مارات شيبۇتوۆ، ايدوس سارىم، اندرەي مورگۋنوۆ جانە ت.ب. الماتى قالاسىنىڭ قوعامدىق كەڭەس مۇشەلەرى تاۋەلسىزدىككە قول جەتكىزگەن جىلدارى ەلىمىزدىڭ وتكەرگەن جولى جونىندە، الەۋمەتتىك ماسەلەلەردىڭ شەشىلۋ جولدارى تۋرالى ايتا وتىرىپ، الماتىلىقتار مەن قازاقستاندىقتاردى سايلاۋعا قاتىسىپ وزدەرىنىڭ ازاماتتىق ۇستانىمىن بىلدىرۋگە شاقىردى.

اسىرەسە ۇندەۋدە الماتى قالاسى – ساياسي مادەنيەتى مەن تاريحى بار ەلىمىزدىڭ مادەني، عىلىمي، ساياسي جانە ەكونوميكالىق ورتالىعى بولىپ ەسەپتەلەتىندىگى ايتىلعان. مەگاپوليستە قازاقستان تاۋەلسىزدىگىنىڭ نەگىزى قالاندى.

قازاقستان كونستيتۋسياسىنا سايكەس قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى جاريالاندى. سايلاۋعا قاتىساتىن بارلىق تاراپتار مەن قاتىسۋشىلارعا ۇلكەن جاۋاپكەرشىلىك ارتىلعان. وسىعان وراي الماتى قالاسىنىڭ قوعامدىق كەڭەس مۇشەلەرى تۇرعىنداردى 9 ماۋسىمدا ءوز كونستيتۋسيالىق سايلاۋ قۇقىعىن قولدانۋعا شاقىرادى. ءاربىر ازامات سايلاۋ ۋچاسكەلەرىنە كەلىپ ءوز تاڭداۋىن جاساۋ قاجەتتىگىن مەڭزەدى.