مەملەكەت باسشىسى وسىمدىك جانە مال شارۋاشىلىقتارىمەن اينالىساتىن «ولجا سادچيكوۆسكوە» جاۋاپكەرشىلىگى شەكتەۋلى سەرىكتەستىگىنىڭ وندىرىستىك كورسەتكىشتەرىمەن تانىستى دەپ جازادى Qamshy.kz اقپارات اگەنتتىگى اقوردانىڭ دەرەگىن نەگىزگە الىپ. كاسىپورىن قوستاناي وبلىسىنىڭ ىشكى قاجەتتىگىن جانە ەلىمىزدىڭ وزگە وڭىرلەرىن ءسۇت ونىمدەرىمەن قامتاماسىز ەتەدى.

قازاقستان پرەزيدەنتىنە اۋىل شارۋاشىلىعى ونىمدەرىن قايتا وڭدەۋ بارىسىندا اناليتيكالىق جانە سيفرلىق جۇيەنىڭ قولدانىلۋ مۇمكىندىكتەرى كورسەتىلدى.

سونىمەن قاتار، قاسىم-جومارت توقايەۆ وبلىستىڭ اۋىل شارۋاشىلىعى ءونىمىن وندىرۋشىلەرمەن اڭگىمەلەستى.

مەملەكەت باسشىسى ەلىمىزدىڭ ازىق-تۇلىك قاۋىپسىزدىگىن قامتاماسىز ەتۋگە زور ۇلەس قوسىپ وتىرعان ءوڭىردىڭ اگرارلىق سالاسىنىڭ دامۋىن جوعارى باعالادى.

– باسقا وبلىستارداعىداي مۇندا دا بەلگىلى ءبىر ماسەلەلەر بار. ءبىراق، ۇكىمەتتىڭ كومەگىمەن بۇل پروبلەمالاردى شەشۋ جۇمىستارى كۇشەيتىلەدى. ال، جەر ماسەلەسىنە كەلەر بولساق، كىم جۇمىس ىستەيدى، جەر سوعان تيەسىلى. ەكىنشىدەن، جەر شەتەلدىكتەرگە ساتىلمايدى. بۇل مەنىڭ پرەزيدەنت رەتىندە تۇبەگەيلى ۇستانىمىم، – دەدى مەملەكەت باسشىسى.

كەزدەسۋگە قاتىسۋشىلار اۋىل شارۋاشىلىعى ەڭبەككەرلەرىنە مەملەكەتتىك تاراپىنان كورسەتىلىپ جاتقان قولداۋ ءۇشىن قاسىم-جومارت توقايەۆقا العىس ايتتى.  

ۇسىنعان: اسەل بولات قىزى