امەريكالىق بوكسشى پولي مالينيادجي الدا وتەتىن جەكپە-جەك قارساڭىنداعى باسپا ءسوز كونفەرەنسياسى كەزىندە قارسىلاسى، رەسەيلىك MMA شەبەرى ارتەم لوبوۆتىڭ بەتىنە تۇكىرىپ جىبەرگەن.

ماكگرەگوردىڭ دوسىنىڭ بەتىنە تۇكىرگەن امەريكالىق بوكسشىنىڭ ادەپكە تومپاق كەلەتىن قىلىعىنىڭ ۆيدەوسىن Qamshy.kz اقپارات اگەنتتىگى يۋتۋبتاعى TheMacLife ارناسىنا سىلتەمە بەرىپ جاريالادى.

بىلعارى قولعاپ شەبەرلەرى كونفەرەنسيا بارىسىندا بىر-بىرىنە ءىرى-ىرى سويلەدى. داۋ-دامايدىڭ سوڭى 38 جاستاعى ءمالينيادجيدىڭ لوبوۆتىڭ بەتىنە تۇكىرۋىمەن اياقتالدى. كونفەرەنسياعا دەيىن امەريكالىق بوكسشى رەسيەلىك جەكپە-جەك شەبەرى ءتىلىن تارتپاسا، ونى ۇرۋعا ۋادە بەرگەن.

قوس بىلعارى قولعاپ شەبەرىنىڭ جەكپە-جەگى Bare Knuckle FC 6 ءتۋرنيرىنىڭ باستى كەزدەسۋى بولماق. اتالمىش تۋرنير 22-ماۋسىم كۇنى اقش-تا وتەدى.

لوبوۆ – يرلانديالىق جەكپە-جەك شەبەرىنىڭ دوسى. ال لوبوۆ پەن مالينيادجي اراسىنداعى تۇيتكىل 2017 جىلدان بەرى جالعاسىپ كەلەدى. ارازدىقتىڭ باستى سەبەبى – ولاردىڭ دايىندىق كەزىندەگى جۇدىرىق ءتۇيىستىرۋى. شارشى الاڭدا كونور ماكگرەگور امەريكالىق بوكسشىنى نوكداۋنمەن جەڭەدى. بءىراق مالينيادجي ءوزىن يرلانديالىقتىڭ يتەرىپ جىبەرگەنىن ايتىپ ارازدىق تۋدىرعان ەدى.

اۋدارعان: ادىلەت مادەنيەت