سايرام اۋداندىق سوتى قىلمىستىق كودەكستىڭ 99-بابى "قاساقانا كىسى ءولتىرۋ" بويىنشا ايىپتالعان 1959 جىلعى وزبەك ازاماتىنا قاتىستى شەشىم شىعاردى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. كۇدىكتىنى مارقۇمنىڭ تۋىستارى ۇستاپتى، وعان دا شۇعىل مەديسينالىق جاردەم قاجەت بولدى.

بەلگىلى بولعانداي، وزبەكستاندىق ءبىر جىل بويى تۇركىستان وبلىسى سايرام اۋدانىنا كەلىپ، جەرگىلىكتى تۇرعىننىڭ قول استىندا جۇمىس ىستەپتى. سوڭعى رەت كەلگەنىندە قوجايىنمەن ەسەپتەسۋدى ءجون كورەدى، ءبىراق جۇمىس بەرۋشى باس تارتقان ەكەن.

جانجالدىڭ ارتى توبەلەسكە ۇلاسىپ، وزبەك ازاماتى ەر ادامدى تەمىر ارماتۋرامەن ولگەنشە ساباپ تاستايدى. اكەسىنىڭ ايعايلاعان داۋىسىنا كەلىپ جەتكەن جىگىت كۇدىكتىنىڭ ۇستىنەن ءتۇسىپ، تاعى دا توبەلەس شىعىپ، بۇل جولى وزبەكستاندىقتىڭ ءوزى اۋىر جاراقات العان.

ول اۋداندىق اۋرۋحانانىڭ جانساقتاۋ بولىمىنەن ءبىر-اق شىقتى. ءقازىر ونى پوليسەيلەر كۇزەتىپ وتىر.

جۇمىسشىسىنىڭ قولىنان اجال قۇشقان ەر ادامنىڭ ۇلىنا قاتىستى قىلمىستىق ءىس قوزعالدى. ول ادامنىڭ دەنساۋلىعىنا اۋىر زيان كەلتىرگەنى ءۇشىن جاۋاپ بەرەدى.

ۇسىنعان: اسەل بولات قىزى