ۋكراينانىڭ بۇرىنعى پرەزيدەنتى لەونيد كۋچما جاڭا قىزمەتىنە كىرىسكەن قازىرگى پرەزيدەنت ۆلاديمير زەلەنسكييگە بىرنەشە كەڭەس بەردى دەپ جازادى Qamshy.kz اقپارات اگەنتتىگى.

ەكس-كوشباسشى جاڭا پرەزيدەنتكە از سويلەپ، كوپ جۇمىس جاساۋدى باسا تاپسىردى. ونىڭ ايتۋىنشا، تاقتا وتىرعان ءىزاشارلارى سياقتى جاڭا پرەزيدەنتتىڭ دە تىلىمەن وراق ورعانى ەندىگى ۋاقىتتا حالىققا قاجەت ەمەس.

"ەڭ باستىسى – ونىڭ كومانداسىنىڭ ۋادە بەرگەن دۇنيەلەرىن جوعارى دەڭگەيدە ورىنداپ شىعۋى. بەس جىل بۇرىن دا بىزگە كوپ ۋادە بەرىلگەن ەدى. ءبىراق ول ۋادەلەردىڭ ورىندالعانىنان ورىندالماعانى كوپ"، - دەدى ول.

سونداي-اق، كۋچما سوعىس پەن بەيبىتشىلىكتىڭ كىلتى رەسەي پرەزيدەنتى ۆلاديمير ءپۋتيننىڭ قولىندا ەكەنىن جەتكىزدى. ۋكراينا تاراپىنان اراقاتىناستى تۇزەۋ تۋرالى قانداي قارسى ۇسىنىس بولسا دا، ونىڭ كومەگى شامالى ەكەن-مىس.

"وكىنىشكە قاراي، رەسەي فەدەراسياسىنىڭ باسشىلىعى بىزگە قارسى شارت قويعاننان باسقا مامىلەگە كەلەر ءتۇرى جوق"، - دەدى ەكس-پرەزيدەنت.

كۋچما 1994-2005 جىلدار ارالىعىندا ەكى مەرزىم ۋكراينانىڭ پرەزيدەنتى بولدى. پرەزيدەنتتىك قىزمەتىنىڭ الدىندا ەلدىڭ پرەمەر-مينيسترى جۇمىسىن اتقارعان.

اۋدارعان: ادىلەت مادەنيەت