ۋكراينانىڭ جاڭا پرەزيدەنتى ۆلاديمير زەلەنسكييدىڭ شتابى دونباسس ماسەلەسى بويىنشا رەسەيمەن بىرگە رەفەرەندۋم وتكىزۋ تۋرالى وي تولعاۋدا دەپ حابارلايدى. بۇل تۋرالى Qamshy.kz اقپارات اگەنتتىگى ۋكراينا پرەزيدەنتى اكىمشىلىگىنىڭ باسشىسى اندرەي بوگدانعا سىلتەمە جاساپ حابارلايدى.

“زەلەنسكيي ءوزىنىڭ سوزدەرىندە كەلىسىمدەر دايىنداپ، رەفەرەندۋم ۇيىمداستىرۋ تۋرالى ايتقان بولاتىن. جالعىز ساياساتكەرلەر ەمەس، حالىق تا ءوز جاۋابىن ايتۋ كەرەك. ءبىز رەسەيمەن بەيبىتشىلىك كەلىسىمدەرگە قول جەتكىزۋ ءۇشىن جۇمىس ىستەيمىز. دونباسس ماسەلەسى بويىنشا بارلىق شيەلەنىستەردى حالىق رەفەرەندۋمى ارقىلى شەشۋ كەرەك. بۇنداي سۇراقتاردى پرەزيدەنت پەن دەپۋتاتتار ەمەس، حالىق ءوزى داۋىس بەرىپ، شەشىم قابىلداعانى ابزال”، - دەدى بوگدان.

اندرەي بوگداننىڭ ايتۋىنشا، زەلەنسكييدىڭ شتابى رەسەيمەن كەلىسسوزدەر باراسىندا ءوز پوزيسيالارىن جەتكىزدى.

“زەلەنسكيي ايتقانداي، ءبىز اۋماعىمىز بەن ادامدارىمىزدى ساتپايمىز!” – دەپ بوگدان ءسوزىن اياقتادى.

ەستەرىڭىزگە سالا كەتەيىك، اندرەي بوگدان ۋكراينا پرەزيدەنتى اكىمشىلىگىنىڭ باسشىسى بولىپ 21-مامىر كۇنى قويىلدى.

اۋدارعان: يلدار اديلچەنوۆ