ولەگ لياشكو پرەزيدەنتپەن وتكەن جابىق جيىننان Facebook-كە تىكەلەي ترانسلياسيا قوسقانى ءۇشىن وققاعارلاردان ەسكەرتۋ الدى. ءبىراق تەلەفوندى سوندىرۋگە كەلىسپەگەن دەپۋتاتتى ەسىك سىرتىنا شىعارىپ جىبەردى دەپ جازادى Qamshy.kz اقپارات اگەنتتىگى لايف سايتىنا سىلتەمە جاساپ.

پرەزيدەنت اكىمشىلىگىنىڭ عيماراتىندا لياشكو وزىمەن بىرگە سمارتفونىن الىپ كەتىپ، Facebook-كە تىكەلەي ترانسلياسيا قوستى. وسىلاي كورەرمەندەر جيىنعا كىم كەلگەنىن، زەلەنسكيي كابينەتىنىڭ قانداي ەكەنىن كورە الدى.

زەلەنسكييدى كورە سالىسىمەن لياشكو ءوزىن ءبىرتۇرلى ۇستادى. پرەزيدەنت دەپۋتاتتان رادانى تاراتقانى تۋرالى سۇراعاندا لياشكو ۇزاق ۋاقىت زەلەنسكييدىڭ قولىن جىبەرمەي، ۇندەمەي تۇرعان.

ءارى قاراي، فراكسيا باسشىلارىن كابينەتكە شاقىرا باستادى. وققاعارلار جيىن جابىق بولعاسىن، لياشكوعا تەلەفوندى سوندىرۋگە سۇراعان. ءبىراق راديكالدار پارتياسىنىڭ جەتەكشىسى زەلەنسكييگە ”حالىقتان كوررۋپسيانى جاسىرماڭىز” دەپ ايقايلاي باستادى. وققاعارلار شۇعىل تۇردە دەپۋتاتتى سىرتقا شىعارىپ، ەسىكتى جاۋىپ الدى. جيىن قۋىلعان لياشكوسىز وتە بەردى.

ەستەرىڭىزگە سالا كەتەيىك، زەلەنسكيي ءوزىنىڭ ۇلىقتاۋ راسىمىندە جوعارى رادانى تاراتىپ جىبەردى. وعان قوسا زەلەنسكيي قاۋىپسىزدىك قىزمەتىنىڭ باسشىسى، ۋكراينانىڭ باس پروكۋرورى، قورعانىس ءمينيسترىن جۇمىستان بوساتۋدى تاپسىرعان.

 اۋدارعان: يلدار اديلچەنوۆ