22 مامىردا شۆەيساريانىڭ لوزاننا قالاسىندا  حالىقارالىق وليمپيادا كوميتەتىنىڭ (ارى قاراي حوك) كەزەكتى وتىرىسى ءوتتى دەپ جازادى Qamshy.kz اقپارات اگەنتتىگى. 

اتالعان وتىرىستا تالقىلانعان ماسەلەلەردىڭ ءبىرى - بوكس سپورتىنىڭ وليمپيادا ويىندارىندا قالۋ نەمەسە قالماۋى. ەستەرىڭىزدە بولسا، وسىدان 6 اي بۇرىن حوك 2020 جىلى توكيودا وتەتىن وليمپيادا ويىندارىنا بوكستان ىرىكتەۋدى توقتاتا تۇرۋ تۋرالى شەشىم قابىلداعان ەدى. حوك سول كەزدەن باستاپ بۇكىل الەمدىك بوكس فەدەراسياسىنىڭ (ارى قاراي AIBA) جۇمىسىن تەرگەۋمەن اينالىسقان. ولار  تەكسەرىستى اIBا-نىڭ قارجى، مەنەدجمەنت، ەتيكا جانە تورەشىلىك سالاسىنداعى قىزمەتىنە بايلانىستى جۇرگىزدى.

22 مامىردا ارنايى زەرتتەۋ جۇرگىزگەن كوميسسيا زەرتتەۋ ناتيجەلەرىن ۇسىندى جانە حوك-تىڭ اتقارۋ كوميتەتى وليمپيادا ويىندارىنىڭ باعدارلاماسىندا بوكستىڭ قالا بەرەتىنىن مالىمدەدى. الايدا حوك ءاىۆا-نى تەرگەۋدى تەك توكيوداعى ويىندار اياقتالعانعا دەيىن عانا توقتاتايىن دەپ وتىر. 

ەندى 2020 جىلعى وليمپيادا ويىندارىنىڭ ىرىكتەۋ جۇيەسى مەن توكيوداعى بوكس جارىستارىن ءاىۆا ەمەس، حوك مۇشەسى، حالىقارالىق گيمناستيكا فەدەراسياسىنىڭ پرەزيدەنتى موريناري ۆاتانابەنىڭ جەتەكشىلىگىمەن حالىقارالىق وليمپيادا كوميتەتىنىڭ ارنايى قۇرىلعان جۇمىس توبى باسقارادى.

سونىمەن قاتار، حوك توكيودا ەرلەر سەگىز، ايەلدەر بەس سالماق دارەجەسىندە جارىسقا قاتىساتىنىن دا مالىمدەدى. ەستەرىڭىزگە سالا كەتەيىك، 2016 جىلى ريودا وتكەن وليمپيادا ويىندارىندا ەرلەر 10، ايەلدەر 3 سالماق دارەجەسىندە سىنعا تۇسكەن ەدى. 

دايىنداعان: ميات كاشىباي