ءبىر داناسى 50 مىڭ تەڭگە تۇراتىن قازاقتىڭ تيىنى جارىق كوردى (ۆيدەو)

/uploads/thumbnail/20190523115646565_small.jpg

ق ر ۇلتتىق بانكى ەۋرازيالىق ەكونوميكالىق وداقتىڭ بەس جىلدىق مەرەيتويىنىڭ قۇرمەتىنە ارنايى جاسالعان مونەتالاردىڭ بەينەجازباسىن جاريالادى دەپ حابارلايدى Qamshy.kz اقپارات اگەنتتىگى bnews.kz سايتىنىڭ اقپاراتىن نەگىزگە الا وتىرىپ.

بۇل مونەتالار 21-مامىر كۇنى شىعارىلعان. التىننان جاسالعان 50 مىڭ تەڭگەلىك مونەتانىڭ سالماعى 1 كەلى، ديامەترى 100 مم قۇرايدى. تارالىمى – 20 دانا.

مونەتانىڭ الدىڭعى جاعىندا قازاقستان رەسپۋبليكاسىنىڭ ەلتاڭباسى ورنالاسقان. ەلتاڭبانىن جان-جاعىن قورشاي تەڭگەگە ساي نومينالدار مەن "QAZAQSTAN RESPÝBLIKASY"، "REPUBLIC OF KAZAKHSTAN" دەگەن جازبالار ورنالاسقان. مونەتانىڭ جيەگى قازاق حالقىنىڭ ۇلتتىق ويۋ-ورنەكتەرىمەن كومكەرىلگەن.

ال قۇندى ۆاليۋتانىڭ ارتقى بەتىندە وداققا مۇشە مەملەكەتتەردىڭ مەملەكەتتىك تۋلارى بەينەلەگەن.

دايىنداعان: داۋرەن سىبانباي

قاتىستى ماقالالار