بۇل جاعداي گاز بالونىن بۇركۋدەن بولعان دەگەن بولجام بار، دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ.
وقيعا بۇگىن، 23 مامىردا كۇننىڭ العاشقى جارتىسىندا بولعان. وقيعا ورنىنا جەدەل جاردەم توبى كەلدى. بەرىلگەن اقپار بويىنشا، كوللەدجدىڭ 1-2 قاباتتارىندا بەلگىسىز زاتتىڭ وتكىر ءيىسى بولعان، ناتيجەسىندە 20 ادام اۋرۋحاناعا اكەلىندى.
بۇل تۋرالى وكق-دە وتكەن باسپا ءسوز جيىنىندا اتىراۋ سەرۆيس كوللەدجى ديرەكتورىنىڭ وندىرىستىك وقىتۋ جونىندەگى ورىنباسارى گۇلسىم جالمۇحانوۆا مالىمدەدى.
— بالالاردىڭ جاپپاي ۋلانۋىنىڭ سەبەبى انىقتالۋدا، بەينەباقىلاۋ كامەرالارىنىڭ جازبالارى تەكسەرىلدى. ەندى بالالاردىڭ دەنساۋلىعىنا ەشتەڭە ءقاۋىپ توندىرمەيدى. ناۋقاستارعا ۋاقىتىلى كومەك كورسەتىلدى. دەنساۋلىق جاعدايىن قالىپقا كەلتىرگەندىكتەن، ستۋدەنتتەردىڭ كوبىسى ۇيگە جىبەرىلدى، ال قالعانى كەشكى ساعات 19.00-گە دەيىن شىعارىلادى. ولاردىڭ بارلىعى ۋچاسكەلىك دارىگەرلەردىڭ باقىلاۋىندا بولادى. ءقازىر بۇل جاعدايمەن قۇقىق قورعاۋ ورگاندارى اينالىسۋدا، وقيعا گاز بالونىن بۇركۋدەن بولعان دەگەن بولجام بار»، - دەدى گۇلسىم جالمۇحانوۆا.
ۇسىنعان: اسەل بولات قىزى
