الماتىدا ساۋدا ورتالىقتارىنىڭ بىرىندە 32 جاستاعى ەر ادام 7 جاستاعى قىزدى زورلاۋعا ارەكەتتەندى، دەپ حابارلايدى Qamshy.kz اقپارات اگەنتتىگى zakon.kz سايتىنىڭ دەرەگىن نەگىزگە الىپ.

الەۋمەتتىك جەلىدە وتكەن بەيسەنبىدە ساۋدا ورتالىقتارىنىڭ بىرىندە ەر ادام 7 جاستاعى قىزدى زورلاۋعا ارەكەتتەندى دەگەن اقپارات تارالعان بولاتىن.

“ەر ادام اجەتحاناعا كىرىپ، اڭدىپ وتىردى. قىز بالا كىرگەن كەزدە، ونىڭ اناسى دالىزدە كۇتكەن. وسى كەزدە ەر ادام قىزدى ۇستاپ الىپ، ءار ءتۇرلى ۆيدەولار كورسەتەدى. ال مۇنى اجەتحاناداعى ءبىر ايەل ەستىپ، پوليسيا مەن كۇزەتشىلەردى شاقىرادى. ول قىزدى زورلاعىسى كەلدى”، - دەدى ايەل ۇرەيلى داۋىسپەن.  

بۇل وقيعانى الماتى پوليسيا دەپارتامەنتىنىڭ باسپا ءسوز قىزمەتى اقپاراتتى راستادى.

“كامەلەت جاسقا تولماعان قىزعا قارسى قىلمىس جاسادى دەپ كۇدىكتى ق ر قك 128-بابىنا سايكەس ۋاقىتشا يزولياتورعا قامالدى. ول 32 جاستاعى اقتوبە وبلىسىنىڭ تۋماسى بولىپ شىقتى. بۇرىن جاس بالالاردى ازعىرعانى ءۇشىن تۇرمەدە وتىرعانى انىقتالدى. قازىرگى تاڭدا كۇدىكتى ق ر قىلمىستىق كودەكستىڭ ەكى بابى: 121-باپ 4 ءبولىم جانە 124 باپ 1 ءبولىم بويىنشا ايىپتالۋدا. سوتقا دەيىنگى تەرگەۋ بوستاندىق اۋدانىنىڭ پوليسيا باسقارماسى جۇرگىزۋدە. تەرگەۋ بارىسى قالا پروكۋرورى مەن الماتى پوليسيا باسشىلىعىنىڭ باقىلاۋىندا”، - دەدى پوليسيا دەپارتامەنتىنىڭ رەسمي وكىلى سالتانات ازىربەك.

دايىنداعان: يلدار اديلچەنوۆ