جەلىدە توپ جىگىتتىڭ توبەلەسىنىڭ اتىسپەن اياقتالعانى بەينەلەنگەن ۆيدەو تاراپ كەتتى. كەيىننەن بۇل ماسكەۋ ماڭىنداعى ودينسوۆو قالاسىندا بولعان وقيعا ەكەنى انىقتالدى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ. 

بەينەجازباعا نازار سالساڭىز، بىرنەشە جىگىتتىڭ ءبىر ادامعا سونشا شۇيلىگىپ، جۇدىرىقتاپ جاتقانىن بايقايسىز. ارتىنشا الگى تاياق جەگەن جىگىت تاكسيدىڭ جۇكسالعىشىنان قارۋ شىعارىپ، قارسىلاس تاراپقا وق جاۋدىرادى. 

ماسكەۋ وبلىسىنىڭ ءىىد مالىمەتىنە سۇيەنسەك، اتالمىش وقيعادان ەشكىم ەشقانداي زارداپ شەكپەگەن. 

"ساعات تۇنگى 02:30 شاماسىندا ودينسوۆو قالاسى، چيستياكوۆ كوشەسىندەگى 68ء-ۇيدىڭ ماڭىندا بەلگىسىز بىرەۋدىڭ تاكسيدەن قارۋ الىپ شىعىپ، اتىس ۇيىمداستىرعانى تۋرالى حابار كەلىپ ءتۇستى. وق تراۆماتيكالىق تاپانشادان اتىلعان"، - دەپ مالىمدەمە جاسادى ءتارتىپ ساقشىلارى.

اۋدارعان: ادىلەت مادەنيەت