تاراز قالاسى كۇن ساناپ تۇرلەنىپ، ساۋلەتتىك كەلبەتى ارتىپ كەلەدى. ەكى مىڭ جىلدان استام تاريحى بار كونە شاھار كوشەلەرىنىڭ جول جابىندىلارىن قالپىنا كەلتىرۋ دە بۇگىندە وزەكتى ماسەلەلەردىڭ ءبىرى. بۇگىندە جامبىل وبلىسىنىڭ اكىمى اسقار مىرزاحمەتوۆتىڭ تاپسىرماسىنا وراي بۇل باعىتتا بارلىق كوشەلەردى تۇگەندەۋ جۇمىستارى جۇرگىزىلدى. ناتيجەسىندە بۇعان دەيىن كوممۋنالدىق مەنشىكتە ۇزىندىعى 996 شاقىرىم قۇرايتىن بارلىعى 576 كوشە تىركەلسە، تۇگەندەۋ جۇمىستارى بارىسىندا 1531 شاقىرىمدى قۇرايتىن 1330 كوشە انىقتالىپ وتىر.

  سونداي-اق، قالاداعى كوشە جابىندىلارىن رەتتەۋ ءۇشىن ارنايى ءۇش جىلدىق  جول كارتاسى دا بەكىتىلگەن بولاتىن. كارتاعا سايكەس، ءبىرىنشى كەزەكتە  مەكتەپتەر، بالاباقشالار، دەنساۋلىق ساقتاۋ نىساندارى سياقتى الەۋمەتتىك نىساندار ورنالاسقان جانە قوعامدىق كولىكتەر قاتىنايتىن، ينجەنەرلىك جۇيەلەرمەن تولىعىمەن قامتىلعان، كوشەلەر جوندەلۋ كوزدەلۋدە. بۇل باعىتتا بيىل اعىمداعى جوندەۋ جۇمىستارىنا بيۋدجەتتەن 100،0 ميلليون تەڭگە ءبولىنىپ، 22000 شارشى مەتردى قۇرايتىن قوعامدىق كولىكپەن قامتىلعان 86 كوشەنى قامتۋ جوسپارلانعان. بۇگىنگى تاڭدا ونىڭ  8900 شارشى مەترىندە، ياعني 36 كوشەدە ناقتى جۇمىستار اتقارىلدى.  قالعان جۇمىستار اعىمداعى جىلدىڭ شىلدە ايىندا اياقتالادى دەپ جوسپارلانعان.

  سونىمەن قاتار، قالاداعى 29 جوبا بويىنشا ۇزىندىعى 75 شاقىرىمدى قۇرايتىن 148 كوشەگە قۇنى 1،5 ميلليارد تەڭگە بولاتىن ورتاشا جوندەۋ جۇمىستارى جۇرگىزىلەتىن بولادى.  بۇل ورايدا نەگىزىنەن  «تايۆان»، «اراي» تۇرعىن القاپتارىنىڭ كوشەلەرى قامتىلماق. بۇدان بولەك، جەرگىلىكتى بيۋدجەت ەسەبىنەن 600 ميلليون تەڭگەگە قارالىپ، قالانىڭ كوپقاباتتى تۇرعىن ۇيلەرى ورنالاسقان شاعىن اۋداندارداعى جول جابىندىلارىنا اعىمداعى جوندەۋ جۇمىستارى اتقارىلادى.

ول عانا ەمەس، قازىرگى تاڭدا شاھارداعى «بۋرىل ا،ب،ۆ» تۇرعىن ءۇي ءماسسيۆىنىڭ 26 شاقىرىمدى قۇرايتىن 50 كوشەسىنە شاعال تاس توسەۋ جۇمىستارى باستالدى. ونىڭ جالپى قۇنى 260 ميلليون تەڭگەنى قۇراپ وتىر. بۇل جۇمىستاردى «ايا سەرۆيس» جشس-گى جۇرگىزۋدە. اتالعان ماسەلەلەر تۇراقتى باقىلاۋعا الىنعان.

دۋلات ايتباي