كۇن ساناپ جامبىل وبلىسىنىڭ اۋىلشارۋاشىلىعى سالاسى العا باسىپ، مال باسى ارتىپ كەلەدى. بۇگىنگى تاڭدا وبلىس بويىنشا ءمۇيىزدى ءىرى قارانىڭ سانى 396 206 باستى قۇراپ، 2017 جىلمەن سالىستىرعاندا 36916 باسقا ءوسىپ وتىر. سونىڭ ىشىندە سيىر سانى 175 860 باسقا جەتىپ، وتكەن جىلمەن سالىستىرعاندا 17 578 باسقا، ياعني 11،1 پايىزعا ارتتى. 

جامبىل وبلىسى جايىلىمعا باي ايماق بولعاندىقتان مۇندا نەگىزىنەن مال باسىن ارتتىرۋعا دەن قويىلعان. بۇل كۇندە قوي مەن ەشكى سانى  2 788 352 باسقا جەتىپ، 2017 جىلمەن سالىستىرعاندا 177 876 باسقا ارتقان. ياعني، وتكەن جىلعىلارمەن سالىستىرعاندا 7،3 پايىزعا ءوسىپ وتىر. ال بۇل كورسەتكىش رەسپۋبليكادا ورتاشا 2،2 پايىزدى قۇرادى. جامبىل وبلىسى اكىمدىگى اۋىل شارۋاشىلىعى باسقارماسىنىڭ مالىمەتى بويىنشا، بۇگىندە جىلقى سانى 128 160 باستى قۇراپ، 2017 جىلمەن سالىستىرعاندا 11 168 باسقا وسكەن. ياعني 9،5 پايىزعا ءوستى. ال رەسپۋبليكا بويىنشا ورتاشا كورسەتكىش 8،6 پايىز.

  سونداي-اق، جامبىل وبلىسىنداعى تۇيە سانى بۇگىندە 2018 جىلدىڭ قورىتىندىسىمەن سالىستىرعاندا 6606 باستى قۇرادى. بۇل كورسەتكىش 2017 جىلمەن سالىستىرعاندا 441 باسقا نەمەسە 7،2 پايىزعا كوبەيدى. ال، بۇل كورسەتكىش رەسپۋبليكادا ورتاشا 4،7 پايىزدى قۇرادى. جامبىل وبلىسىندا 2018-2027 جىلدار ارالىعىندا ەتتى مال شارۋاشىلىعىن دامىتۋعا ارنالعان ۇزاق مەرزىمگە جوسپارلانعان سالالىق باعدارلاما  قابىلدانىپ، ينديكاتيۆتى كورسەتكىشتەرى بەكىتىلدى. جالپى اتالعان باعدارلاما اياسىندا 2018-2024 جىلدار ارالىعىندا وبلىسقا الىس-جاقىن شەت ەلدەن 36،0 مىڭ باسقا جۋىق ءمۇيىزدى ءىرى قارا مالىنىڭ انالىق باسىن ساتىپ الۋ جوسپارلانعان. وتكەن جىلى «كازاگرو» ۇبح نەسيەلىك قارجى ينستيتۋتتارى ارقىلى 8 208 باس ءمۇيىزدى ءىرى قارا ساتىپ الۋعا 34 شارۋاشىلىقتان ءوتىنىم تۇسكەن. بۇدان باسقا دا 7 818 باس مالعا ماقۇلدانىپ، وسى ۋاقىتقا دەيىن ناقتى 1 703 باس مال اكەلىندى. سونداي-اق، اتالعان باعدارلاما اياسىندا 77 تاۋاروندىرۋشىگە 948،6 ميلليون تەڭگە نەسيە بەرىلىپ، 32،2 مىڭ باس قوي ساتىپ الىندى. قازاقستان رەسپۋبليكاسى اۋىل شارۋاشىلىعى مينيسترلىگىنىڭ تاپسىرماسىنا سايكەس 2018 جىلى جامبىل وبلىسى بويىنشا 1،0 مىڭ توننا سيىر جانە 1،5 مىڭ توننا قوي ەتى ەكسپورتقا شىعارىلۋى ءتيىس بولسا، ەسەپتى كەزەڭدە وبلىستاعى تاۋاروندىرۋشىلەر ەكسپورتقا بارلىعى 1014،1 توننا سيىر جانە 1637،1 توننا قوي ەتىن شىعاردى. سيىر ەتىن ەكسپورتتاۋ بويىنشا مەموراندۋمدا بەلگىلەنگەن كورسەتكىشتىڭ  ورىندالۋى 101،4 پايىز، ال قوي ەتى ەكسپورتى بويىنشا 109،1 پايىزدى قۇرادى. باعدارلاما اياسىندا قولداعى مالدىڭ ونىمدىلىگىن ارتتىرۋ ماقساتىندا ەت باعىتىنا تۇقىمدىق تۇرلەندىرۋ جۇمىسى قولعا الىندى. جىل بويى تۇقىمدىق تۇرلەندىرۋگە ءمۇيىزدى ءىرى قارا مالىنىڭ 65،5 مىڭ انالىق باسى تارتىلىپ، (جالپى سيىر سانىنىڭ 42،1 پايىزى) جوسپاردىڭ ورىندالۋى 102،3 پايىزدى قۇرادى. 

دۋلات ايتباي