جامبىل وبلىسىندا ەسەپتى كەزەڭدە وبلىستاعى تاۋاروندىرۋشىلەر ەكسپورتقا بارلىعى 1014،1 توننا سيىر جانە 1637،1 توننا قوي ەتىن شىعاردى. سيىر ەتىن ەكسپورتتاۋ بويىنشا مەموراندۋمدا بەلگىلەنگەن كورسەتكىشتىڭ ورىندالۋى 101،4 پايىزىن، قوي ەتى ەكسپورتى بويىنشا 109،1 پايىزدى قۇرادى.
نەگىزگى ەكسپورتتاۋشىلار قاتارىندا ەكسپورتقا باعىتتالعان دامىعان تەحنولوگيالى بورداقىلاۋ الاڭدارى جانە كلاستەر قۇرامىنداعى «وڭتۇستىك حالال تاعامدارى» ءجشس-ى، مەركى اۋدانىندا «مەركى ەت كومبيناتى» ج ش س، قورداي اۋدانىنداعى «پەرۆومايسكيە دەليكاتەسى ج ش س» ەت كومبيناتتارى بولدى. ەت ونىمدەرىنىڭ نەگىزگى بولىگى يران يسلام رەسپۋبليكاسى، باحرەين كارولدىگى، كۋۆەيت مەملەكەتىنە ەكسپورتتالدى. وسى كاسىپورىنداردىڭ جۇكتەلىمىن ارتتىرۋ ارقىلى الداعى ۋاقىتتا ەتتى ەكسپورتتاۋ ديناميكاسىن ارتتىرۋ جوسپارلانۋدا. باعدارلاما اياسىندا قولداعى مالدىڭ ونىمدىلىگىن ارتتىرۋ ماقساتىندا ەت باعىتىنا تۇقىمدىق تۇرلەندىرۋ جۇمىسى قولعا الىندى.
سونىمەن قاتار، وبلىستا قۇس شارۋاشىلىعىن دامىتۋ بويىنشا كەشەندى شارالار اتقارىلۋدا. تاعامدىق جۇمىرتقا، قۇس ەتىن ءوندىرۋدى ارتتىرۋ ماقساتىندا «اسا دامۋ» ج ش س، «اۋليە-اتا فەنيكس» ج ش س قۇس فابريكالارى كەڭەيتۋ جانە مودەرنيزاسيادان وتۋدە. بايزاق اۋدانىندا «اللەل اگرو» ج ش س قۇس فابريكاسىن ىسكە قوسۋ جۇمىستارى جالعاسىن تابۋدا. وسى شارالاردىڭ ارقاسىندا وبلىستا وندىرىلەتىن قۇس ەتىنىڭ كولەمى 2 ەسەگە ارتادى. ال، اعىمداعى جىلدىڭ وزىندە 224،7 توننا قۇس ەتى ەكسپورتتالدى.
اعىمداعى جىلى مال شارۋاشىلىعى ءوندىرىسىن دامىتۋعا باعىتتالعان بىرنەشە ءىرى ينۆەستيسيالىق جوبالار ىسكە اسىرىلادى. ەت ءوندىرىسى مەن وڭدەۋدى دامىتۋ ءۇشىن مەركى اۋدانىندا مالايزيالىق ينۆەستورلاردىڭ وكىلى بولعان «اگروستان فارمس» ج ش س تاراپىنان 3،0 مىڭ باسقا ارنالعان بورداقىلاۋ الاڭىنىڭ قۇرىلىسى، مويىنقۇم اۋدانىندا «مويىنقۇم اگرو» ج ش س تاراپىنان ەت باعىتىنداعى مال شارۋاشىلىعىن دامىتۋ جوباسىنا سايكەس اسىل تۇقىمدى مال رەپرودۋكتورى جانە 3،0 مىڭ باسقا ارنالعان بورداقىلاۋ الاڭىنىڭ قۇرىلىسىن باستايدى. بۇدان بولەك قورداي اۋدانىندا «Kazmeat Kordai» ءجشس-نىڭ بورداقىلاۋ الاڭى قايتا قۇرۋ ارقىلى جىلىنا 8،0 مىڭ باس ءمۇيىزدى ءىرى قارا بورداقىلاۋعا قاۋقارلى ءىرى كەشەنگە اينالادى.
قوي ەتى ەكسپورتى كولەمىن ارتتىرۋ ءۇشىن ارنايى كلاستەر قۇرىلادى. وسى ماقساتتا زاكىرلى كووپەراسيا قاتىناستارى جولعا قويىلىپ جامبىل، قورداي، مەركى، ت.رىسقۇلوۆ، شۋ، تالاس، اۋداندارىندا جىلىنا 20،0 مىڭ باس قويدى بورداقىلاۋعا ارنالعان الاڭدار قۇرىلادى. بۇل كەشەندەر ەت كومبيناتتارىمەن بايلانىستىرىلادى. جوبا اياسىندا تاۋارلى شارۋاشىلىقتاردى اسىل تۇقىمدى قوشقارمەن قامتاماسىز ەتۋ، قولدان ۇرىقتاندىرۋ قىزمەتتەرىن كورسەتۋگە ارنالعان اكرنايى سەرۆيستىك مەكەمەلەر ۇيىمداستىرىلادى. ءسۇت باعىتىنداعى مال شارۋاشىلىعىن دامىتۋعا ارنالعان ۇزاق مەرزىمدى كونسەپسيا قابىلدانىپ، وبلىستا 2018-2027 جىلدار ارالىعىندا جاڭا 61 ءسۇت-تاۋار فەرماسى ىسكە قوسىلادى. 12 ءسۇت تاۋارلى فەرماسى ساۋىن سيىر سانى 400 باستى قۇرايتىن ءىرى كەشەندەر جۇمىس ىستەيدى.
دۋلات ايتباي
