بۇگىندە جامبىل وبلىسىندا از قامتىلعان وتباسىلارعا قولداۋ كورسەتۋ، الەۋمەتتىك ءالسىز توپتارعا قارايلاسۋ ءتيىستى دەڭگەيدە جۇزەگە اسۋدا. جامبىل وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە، وبلىس بويىنشا اتاۋلى الەۋمەتتىك كومەك الاتىن 29 650 وتباسى، ياعني 150 453 ادام انىقتالعان. ونىڭ ىشىندە  98304 بالا، 4199 ستۋدەنت بار. بۇل وتكەن جىلمەن سالىستىرعاندا 2 ەسەگە كوپ. وتكەن جىلى اتاۋلى الەۋمەتتىك كومەكتى 14852 وتباسى، ياعني 74 517 ادام العان.  

  ەلىمىزدىڭ ەڭبەك جانە حالىقتى الەۋمەتتىك قورعاۋ مينيسترلىگىنىڭ تاپسىرماسى بويىنشا تۇرعىندار اراسىندا «111 جەدەل قىزمەتى» بايلانىس ورتالىعى ارقىلى ءتۇسىندىرۋ جۇمىستارى جۇرگىزىلگەن. بۇعان جۇمىسپەن قامتۋ بولىمدەرىنىڭ، جۇمىسپەن قامتۋ ورتالىقتارىنىڭ جاۋاپتى 46 قىزمەتكەرى بەلگىلەندى.

  2019 جىلعى وبلىستىق ءماسليحاتتىڭ شەشىمى نەگىزىندە وبلىستىق بيۋدجەتتەن اۋىلدىق وكرۋگتەردە، ايماقتاردا جانە شاعىن قالالارعا «ە-حالىق» اقپاراتتىق جۇيەسىن ەنگىزۋگە اۋداندار مەن قالانىڭ بيۋدجەتتەرىنە بەرىلەتىن اعىمداعى نىسانالى ترانسفەرتتەرگە 96،9 ميلليون تەڭگە قاراجات بولىنگەن. بۇل قاراجات 153 اۋىلدىق وكرۋگتەر مەن قاراتاۋ، جاڭاتاس جانە شۋ سەكىلدى 3 شاعىن قالالارعا، ياعني 156 اۋىلدىق وكرۋگتەرگە «ە-حالىق» اقپاراتتىق جۇيەسىن ەنگىزۋدىڭ بايلانىس كانالدارىن جۇرگىزۋگە بولىنگەن قاراجات.

  سونىمەن قاتار، 2017 جىلى بارلىق اۋىلدىق وكرۋگتەرگە «ە-حالىق» ەنگىزۋگە ارنايى ەكى كومپيۋتەر تەحنيكالارىن الۋعا قاراجات بەرىلىپ، قاجەتتى كومپيۋتەر تەحنيكالارىمەن جابدىقتالدى.

2019 جىلدىڭ اقپان ايىندا ارنايى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ تاراپىنان مامان كەلىپ وقۋ سەمينارىن وتكىزدى. قازىرگى تاڭدا، بارلىق وكرۋگتەرىنىڭ بايلانىس كانالى بار. سونىمەن قاتار، «ە-حالىق»  جۇيەسىمەن ءتيىستى ماماندار جۇمىس جۇرگىزۋدە. 2019 جىلدىڭ 5 ساۋىرىنە 117925 وتباسى 539710 ادام سانىمەن ەنگىزىلگەن، جامبىل وبلىسى بويىنشا 1 126 077 ادام سانىنىڭ 47،9 پايىزى ەنگىزىلدى.

دۋلات ايتباي