جول بويىندا تۇراتىن پوليسيا بەكەتتەرى قىسقارادى. بۇل تۋرالى ىشكى ىستەر ءمينيسترى ەرلان تۇرعىمبايەۆ مالىمدەدى  دەپ حابارلايدى Qamshy.kz اقپارات اگەنتتىگى Tengrinews.kz تىلشىسىنە سىلتەمە جاساپ. 

"1 شىلدەدەن باستاپ ءبىزدىڭ جولدارداعى شەكارالىق بەكەتتەر قىسقارادى. بۇگىندە بەكەتتەردى قىسقارتۋ جۇمىستارى جۇرگىزىلىپ جاتىر. ولاردىڭ ورنىنا مۇمكىندىگىنشە ۆيدەو، فوتوباقىلاۋلار ورناتىلادى"، - دەدى تۇرعىمبايەۆ.  ونىڭ ايتۋىنشا، بۇرىنعى ىشكى ىستەر ءمينيسترى قايىربەك سۇلەيمەننىڭ رەيدىن ەسكە الدى. 2000 جىلدارى ول جۇك كولىگىنىڭ جۇرگىزۋشىسى رەتىندە وزبەكستان شەكاراسىنان الماتىعا دەيىن قاربىز الىپ وتپەكشى بولعان. سول ۋاقىتتا ول سىبايلاس جەمقورلىقتىڭ 36 جاعدايىن انىقتاعان. 

"ىشكى بەكەتتەر قىسقارىپ، ولار تەك جالپى ەل اۋماعىنىڭ پەريمەترى بويىنشا قالادى. ىشكى بەكەتتەردە جۇمىس ىستەگەن 300-گە تارتا قىزمەتكەر باسقا قۇرىلىمدارعا اۋىستىرىلادى. ال جول بويىندا بوساپ قالعان بەكەتتەر قاتتى سۋىقتا جىلىناتىن نەمەسە داعدارىستىق جاعدايلار ءۇشىن پايدالانىلادى. قالالارعا كىرە بەرىستەگى بەكەتتەر دە الىنىپ تاستالادى. ولار ءبىراق كەزەڭ-كەزەڭ بويىنشا تاراتىلاتىنىن اتاپ وتكىم كەلەد"، - دەپ ناقتىلادى ىشكى ىستەر ءمينيسترىنىڭ ورىنباسارى الەكسەي كالايچيدي. "ەل ىشىندە تىيىم سالىنعان زاتتاردى اكەلۋدى باقىلاۋعا مۇمكىندىك جەتكىلىكتى"، - دەدى ول.

مينيسترلىكتىڭ مالىمدەۋىنشە، پوليسيا بەكەتتەرىندە كەزەكشىلىكتەگى ءتارتىپ ساقشىلارىنىڭ ءبارى جۇمىسسىز قالمايدى.

ۇسىنعان: مارجان سابەت