جامبىل وبلىستىق  «رۋحاني جاڭعىرۋ» جوبالىق ءوفيسىنىڭ ۇيىمداستىرۋىمەن م.ح.دۋلاتي اتىنداعى ءتارازمۋ-دىڭ كىتاپحاناسىندا «Bookcrossing» اكسياسى ءوتتى. شارادا «100 جاڭا وقۋلىق» ارنايى جوباسى اياسىندا قازاق تىلىنە اۋدارىلعان كىتاپتاردىڭ مازمۇنى مەن ماعىناسى كوپشىلىككە ءتۇسىندىرىلدى.

ءيا،  مەملەكەت باسشىسىنىڭ «رۋحاني جاڭعىرۋ» مەملەكەتتىك باعدارلاماسى جاندانعاننان بەرى  وڭىر-وڭىرلەردە ءورىستى قادامدار جاسالىپ جاتقانى بەلگىلى. بۇل باستاما سونىڭ تاعى ءبىر كورىنىسى.

بەلسەندى جاستار، ۇەۇ كوشباسشىلارى، جوعارى جانە ورتا ارناۋلى وقۋ ورىندارىنىڭ ستۋدەنتتەرى، مەكتەپ وقۋشىلارى مەن وقىرماندار كلۋبىنىڭ وكىلدەرى قاتىسقان جيىندا وبلىستىق «رۋحاني جاڭعىرۋ» جوبالىق ءوفيسىنىڭ باسشىسى سەرىكبول بەرىكقوجا ەلباسىنىڭ «رۋحاني جاڭعىرۋ» باعدارلاماسىنىڭ جاريالانعانىنا بيىل ەكى جىل تولىپ وتىرعانىن تىلگە تيەك ەتىپ، باعدارلامالىق ماقالانى وڭىرىمىزدە جۇزەگە اسىرۋدا ەكى جىلدىڭ ىشىندە ءبىرقاتار جۇمىستار اتقارىلعانىن جەتكىزدى.

– بۇگىندە «رۋحاني جاڭعىرۋ» باعدارلاماسى قوعام تىرشىلىگىنىڭ بارلىق سالاسىن قامتىپ وتىر. وبلىسىمىزدا «رۋحاني جاڭعىرۋ» باعدارلاماسىن جۇزەگە اسىرۋدى ىلگەرىلەتۋ ماقساتىندا وبلىس اكىمىنىڭ قاۋلىسىنا سايكەس «جامبىل وبلىسىنىڭ «رۋحاني جاڭعىرۋ» جوبالىق ءوفيسى» كوممۋنالدىق مەملەكەتتىك مەكەمەسى قۇرىلدى. قازىرگى تاڭدا اتالمىش جوبالىق ءوفيستىڭ باستاماسىمەن م.ح.دۋلاتي اتىنداعى ءتارمۋ-نىڭ قولداۋىمەن بۇگىنگى ءىس-شارامىز ۇيىمداستىرىلىپ وتىر. بۇل شارامىز «رۋحاني جاڭعىرۋ» باعدارلاماسىنىڭ «100 جاڭا وقۋلىق» ارنايى جوباسى اياسىندا قازاق تىلىنە اۋدارىلعان كىتاپتاردى جاستاردى وقۋعا داعدىلاندىرۋ، – دەدى ول.

مۇنان سوڭ م.ح.دۋلاتي اتىنداعى تارمۋ فيلوسوفيا جانە ساياساتتانۋ كافەدراسىنىڭ مەڭگەرۋشىسى، ف.ع.ك.، دوسەنت دينا كولبايەۆا دجەرەن دجەكسوننىڭ «فيلوسوفيانىڭ تاڭداۋلى 25 كىتابى» تۋرالى ويىن ورتاعا سالدى. ول ءوز سوزىندە قازاق تىلىنە اۋدارىلعان بۇل كىتاپتىڭ بولاشاق مامان يەلەرىن دايارلاۋدا الاتىن ماڭىزى زور ەكەن. سەبەبى وندا ستۋدەنتتەر ءۇشىن تىڭ مالىمەتتەر لەگى توپتاستىرىلعان.  سونىمەن قاتار فيلوسوفيا جانە ساياساتتانۋ كافەدراسىنىڭ دوسەنتى ف.ع.ك.، دوسەنت مەيىرحان سپانوۆ كارەن ارمسترونگتىڭ «يۋدايزم، حريستياندىق پەن يسلامداعى 4000 جىلدىق ىزدەنىس: قۇدايتانۋ بايانى» اتتى كىتابىن وقىعاننان العان اسەرلەرىمەن ءبولىستى. ال ەكونوميكا جانە بيزنەس فاكۋلتەتىنىڭ PhD دوكتورى سۇلتان ابىلدايەۆ گرەگوري مەنكيۋدىڭ «ەكونوميكس» كىتابى تۋرالى پىكىرىن ءبىلدىرىپ، جاھاندانۋ زامانىندا تەحنيكامەن قاتار ادامداردىڭ دا ويلاۋ قابىلەتى باسەكەگە ساي بولۋى قاجەتتىگىن ءسوز ەتتى.

جايدار ازامات