ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ «تۋعان جەرگە تۋىڭدى تىك!» جوباسى اياسىندا قايىرىمدىلىق قىلعان   اتىمتاي جومارت جانداردىڭ  سانى كۇن ساناپ ارتۋدا.  بۇل باعىتتا  جامبىل جەرىندە دە كوپكە ۇلگى بولار تىرلىكتەر جاسالۋدا. اسىرەسە، قاسيەتتى رامازان ايىندا كاسىپكەرلەر كوپبالالى وتباسىلاردى رياسىز قۋانىشقا كەنەلتۋدە.

سونىڭ ءبىر كورىنىسى رەتىندە جۋالىلىق كاسىپكەر، «بۋرنوە سولار» كۇن ستانسياسىنىڭ باس ديرەكتورى نۇرلان كاپەنوۆنىڭ  كوپبالالى وتباسىعا 3 بولمەلى پاتەر كىلتىن سىيلاعانىن ايرىقشا ايتسا بولادى.

جالپى اتالمىش ەلدى مەكەندە  بۇعان دەيىن «بايىرجان مومىش ۇلى» قايىرىمدىلىق قوعامدىق قورى جۇمىسپ جساپ تۇرعان-دى. مىنە، كاسىپكەر وسى قورعا قوعامتى قارجى اۋدارىپ، ءوز ەسەبىنەن باۋىردان مومىش ۇلى اۋىلىندا ورنالاسقان 2 قاباتتى تۇرعىن ۇيدەن 3 بولمەلى پاتەر ساتىپ الىپ بەرىپ وتىر.

ال قونىستويدىڭ يەسى 6 قىزدىڭ اناسى قاليپا ەدىلبايەۆا. باسپانالى بولعان كوپبالالى وتباسىنىڭ   قۋانىشىن بولىسۋگە اۋدان اكىمى نارباي ەرگەبەكوۆ، اۋداندىق ءماسليحات حاتشىسى ەرعالي تىلەۋبەكوۆ، اۋداندىق سوعىس جانە ەڭبەك ارداگەرلەرى كەڭەسىنىڭ ءتوراعاسى ەستەمەس امانبەكوۆ جانە  اۋداندىق قوعامدىق كەڭەستىڭ ءتوراعاسى سەيىتحان جۇماشيەۆ كەلدى.
كاسىپكەر  نۇرلان نۇرعالي ۇلى، اۋدان باسشىلارىمەن بىرگە وتاناسى قاليپا ەدىلبايەۆاعا ەكى قاباتتى تۇرعىن ءۇيدىڭ ءبىرىنشى قاباتىندا ورنالاسقان ءۇش بولمەلى پاتەردىڭ كىلتىن تابىستاپ، شاڭىراعىنا شاتتىق، بوساعاسىنا باقىت  تىلەدى. 
قۋانىشتان كوزىنە جاس العان قاليپا انا جومارت جۇرەكتى كاسىپكەرگە العىسىن ءبىلدىردى.

ءيا، «قولى اشىقتىڭ جولى اشىق» دەيدى دانا قازاق. جۋىردا  سارىسۋ اۋدانىنىڭ قۇرمەتتى ازاماتى، جەكە كاسىپكەر داۋلەتالدى جانبايەۆ تا  جەتى بالانىڭ اناسى گۇلسانا قالييەۆاعا جاڭاتاس قالاسىنان 3 بولمەلى پاتەر سىيلادى. جالعىزباستى انا بۇعان دەيىن جالدامالى پاتەردە تۇرىپ كەلگەن.

– ۇنەمى بالالارىم ءوز ءۇيىمىز بولسا دەپ ارمانداۋشى ەدى. بۇگىن سول بالالارىمنىڭ ارمانى ورىندالدى. رامازان ايىندا بىزگە وسىنداي قامقورلىق كورسەتكەن اتىمتاي جومارت جانبايەۆ مىرزاعا العىسىم شەكسىز. سىيعا تارتقان ءۇش بولمەلى پاتەر قالانىڭ ءدال ورتاسىندا ورنالاسقان. ءىشى كەڭ ءارى جارىق ەكەن، — دەگەن گ. قالييەۆا بارشا وبلىس جانە اۋدان باسشىلىعىنا العىسىن جەتكىزدى.

كوپ بالالى اناعا قۋانىش سىيلاعان «التىن-وردا 2006» ءجشس-ى ديرەكتورى داۋلەتالدى ءداۋىتباي ۇلى بۇعان دەيىن دە اۋدان، وبلىس كولەمىندەگى قامقورلىق شارالارىنان تىس قالعان ەمەس.

– ادامعا جاقسىلىق جاساۋ پارىز عوي. بۇگىنگى بالالاردىڭ جۇزدەرىندەگى قۋانىشتى كورىپ، بويىمدى ەرەكشە سەزىم بيلەدى. ءۇيلى بولعان گۇلسانا قارىنداسىمنىڭ بالالارى ەندى ەش الاڭسىز قۇتتى شاڭىراقتارىندا وسىپ-جەتىلسىن. ەلباسى ن. نازاربايەۆ، مەملەكەت باسشىسى ق. توقايەۆ كوپبالالى انالاردىڭ جاعدايىن ويلاپ، قولدان كەلگەن بارلىق جاقسىلىقتاردى جاساۋعا جاعداي جاساپ جاتىر. وبلىس اكىمى اسقار مىرزاحمەتوۆ تە ايماقتا الەۋمەتتىك ماسەلەلەردىڭ ءتۇيىنىن تارقاتۋعا بار كۇش-جىگەرىن جۇمساۋدا. سوندىقتان بالالارىمىز ازامات دەگەن اتقا لايىق بولىپ ءوسسىن. ەل تىرەگىنە اينالسىن!،-دەيدى «Nur Otan» پارتياسى سارىسۋ اۋداندى فيليالى ساياسي كەڭەسىنىڭ مۇشەسى، جەكە كاسىپكەر د.جانبايەۆ.

شۋ اۋدانىندا دا اتىمتاي جومارت ازاماتتار از ەمەس. ولار ءوز كاسىبىن ورگە دومالاتىپ عانا قويماي، اينالاسىنداعى اعايىنعا دا  قارايلاسىپ، قايىرىمدىلىق جاساۋدا.  مىنە، سونداي كەڭ جۇرەكتى كاسىپكەردىڭ ءبىرى ايدىن نيكولاي ۇلى شۋ شاھارىنداعى جالعىز باستى اناعا ءۇي سىيلادى. كوڭىلى جارىمجان  جاننىڭ قۋانىشىمەن بولىسۋگە اۋدان اكىمى جارىلقاسىن ايتاقوۆ كەلىپ، پاتەر كىلتىن سالتاناتتى تۇردە تابىس ەتتى.

ال كەشە شۋ قالاسى قانت زاۋىتى ىقشاماۋدانىنداعى تاعى ءبىر كوپبالالى وتباسى قونستويىن تويلادى. يگى ىسكە مۇرىندىق بولعان اۋداننىڭ مەسەناتى، بەلگىلى كاسىپكەر نيكون كيم 7 بالانىڭ اناسى ايسۇلۋ يبادۋللاقىزىنا تۇرعىن ءۇي كىلتىن تابىس ەتتى. قۇتتى بولسىن ايتا بارعان اۋدان باسشىسى جارىلقاسىن ءابدىعاپار ۇلى لەنتا قيۋ راسىمىنە قاتىسىپ، قۋانىش يەلەرىنە ىزگى تىلەگىن جەتكىزدى.

ءوز كەزەگىندە ايسۇلۋ يبادۋللا قىزى ايالى الاقاننىڭ جىلۋىن سەزدىرگەن كاسىپكەر نيكون ماركوۆيچكە جانە جانۇياسىن باسپانا الۋعا لايىقتى دەپ تاپقان اۋدان  باسشىلىعىنا شەكسىز العىسىن جەتكىزدى.

وسىلايشا ورازا ايىندا جامبىلدىق كاسىپكەرلەر ەل ەسىندە قالار يگى ىستەر جاساۋدا. بۇل ءسوز جوق، ساۋابى مول شاراپات ەكەنى داۋسىز.

جايدار ازامات