FUNK اگەنتتىگىنىڭ جەتەكشىسى مايرا يزمايلوۆا اتاكەنتتە ورنالاسقان اتاقتى تيىنگە قانداي وزگەرتۋلەر ەنەتىنىن ايتتى دەپ حابارلايدى Qamshy.kz اقپارات اگەنتتىگى ميا "كازينفورم" سايتىنا سىلتەمە بەرە وتىرىپ.

ونىڭ ايتۋىنشا، "اتاكەنت" الاڭىنداعى ءتيىننىڭ ءبىر جىل تۇرۋىنىڭ ارقاسىندا، ول  جەردە مادەني- قوعامدىق ورتا قالىپتاستى، ءبىراق سوندا دا ماۋسىم ايىندا ءتيىن ءدال وسى قالپىندا بولمايدى، ونى رەتكە كەلتىرەدى. جاڭا جوبانى كۇتكەن ايگىلى ونەر نىسانى "Ecobelka" دەپ اتالادى.

"ءبىزدىڭ توپ كەرەمەت جوبا ەكو-ارت جوباسىن ويلاپ تاپتى. وسى جازدا ءتيىندى تولىعىمەن جاڭارتامىز. ءتيىن قايتا وڭدەلگەن ماتەريالداردان جاسالادى"،- دەدى مايرا يزمايلوۆا.

ۇيىمداستىرۋشىلاردىڭ ايتۋىنشا، ءتيىننىڭ جوباسىنا سايكەس سىرتىن پلاستيكالىق پانەلمەن قاپتايدى. ول دا قايتا وڭدەلگەن پلاستيكا بولماق.

"ءتيىننىڭ قاڭقاسى مەتالل مەن اعاشتان قۇرالادى. ءبىز بارلىق قاپتاماسىن شەشەمىز، ياعني ساباندى الىپ تاستايمىز. ىشكى قۇرىلىسىن قايتا جاڭارتىپ، جارامدى بولىپ تابىلاتىن ماتەريالدارعا پانەلدەر ورناتىلادى. بۇرىنعى ءتيىندى ەشقايدا جىبەرمەيمىز، تەك ەكولوگيالىق ماتەريالدان جاڭاشا ستيلدە ورناتامىز"،- دەيدى جوبا قۇراستىرۋشىلارى.

الماتىداعى ءتيىننىڭ جاڭارتىلۋىنا 10 ملن تەڭگە قاجەت. ۇيىمداستىرۋشىلار بۇل سومانى "قالا تۇرعىندارىنان الامىز" دەپ وتىر: قارجىلاي كومەكتى كراۋدفاندينگ الاڭىندا كورسەتۋگە بولادى.

الماتى قالاسىنداعى اتاكەنتتە ورنالاسقان ۇلكەن ءتيىندى سالۋعا 23 ملن تەڭگە كەتكەن بولاتىن.

 اۋدارعان: بەك بايتاس