الماتى وبلىسىندا قالتالى ازاماتتارعا قىزمەت كورسەتەتىن زاڭسىز «جەڭگەتايلىقپەن» اينالىسقان ەكى كۇدىكتى ۇستالدى، دەپ حابارلايدى Qamshy.kz اقپارات اگەنتتىگى الماتى وبلىسى پد باسپا ءسوز قىزمەتىنە سىلتەمە جاساپ.
«ارنايى ءىس-شارا بارىسىندا 50 جانە 38 جاستاعى ەكى ازاماتشا ادام ساۋداسىنا قاتىسى بار دەگەن كۇدىككە ءىلىندى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. سونداي-اق، «جەڭىل جۇرىسكە» تۇسكەن قىرعىزستان ازاماتشاسىن قازاقستان رەسپۋبليكاسىنىڭ اۋماعىندا ءجۇرۋ ەرەجەسىن بۇزعانى جانە قۇقىق بۇزۋشىلىق جاساعانى ءۇشىن اكىمشىلىك جاۋاپكەرشىلىككە تارتۋ جانە ەل اۋماعىنان شىعارۋ ماسەلەسى قاراستىرىلۋدا. شەتەل ازاماتشاسى ءتيىستى مەكەمەگە ورنالاستىرىلدى»،- دەلىنگەن حابارلامادا.
ءتارتىپ ساقشىلارى ادام ساۋداسى مەن ولاردىڭ قۇقىعىن شەكتەۋگە قاتىستى زاڭ بۇزۋشىلىقتارمەن كۇرەس ۇنەمى جۇرەتىنىن مالىمدەدى. مۇنداي زاڭسىز ارەكەتتەر ورىن العان جاعدايدا وبلىس تۇرعىندارى پوليسياعا بىردەن حابار بەرەدى.
