قازاقستان پرەزيدەنتى قاسىم-جومارت توقايەۆ جامبىل وبلىسىنا ساپارى بارىسىندا باتىردىڭ وتباسى تۇرىپ جاتقان شاڭىراعىنا باردى، دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
مەملەكەت باسشىسى جۇمىس ساپارى بارىسىندا باتىردىڭ وتباسى تۇرىپ جاتقان ۇيگە باردى. قازاقستان پرەزيدەنتىنە قىزمەت بارىسىندا ەرلىكپەن قازا تاپقان عازيز بايتاسوۆتىڭ قۇرمەتىنە قويىلعان ەسكەرتكىش تاقتا، ونىڭ فوتوسۋرەتتەرى، مەدالدارى مەن جەكە زاتتارى كورسەتىلدى.
قاسىم-جومارت توقايەۆ حالىق قاھارمانىنىڭ جۇبايىمەن جانە ۇلدارىمەن اڭگىمەلەسۋ بارىسىندا عازيز بايتاسوۆتىڭ وتە جاۋاپتى ءارى قيىن ساتتە ءوز ىسىنە ادال بولعانىن، ونىڭ ەرلىگى ەشقاشان ۇمىتىلمايتىنىن ەرەكشە ماداقتادى.
پىكىر قالدىرۋ