وسك بارلىق سايلاۋشىلارىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا شاقىرىپ، ۇندەۋ تاستادى دەپ حابارلايدى Qamshy.kz اقپارات اگەنتتىگى. 

قۇرمەتتى سايلاۋشىلار!

قازاقستان رەسپۋبليكاسى ورتالىق سايلاۋ كوميسسياسى 2019 جىلعى 9 ماۋسىمدا ەلىمىزدىڭ بارلىق سايلاۋشىلارىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا شاقىرادى.

قازاقستان رەسپۋبليكاسىنىڭ كونستيتۋسياسى رەسپۋبليكا ازاماتتارىنا مەملەكەتتىك ورگاندارعا سايلاۋ جانە سايلانۋ قۇقىعىنا كەپىلدىك بەرەدى. سايلاۋ قۇقىعىن جۇزەگە اسىرۋ ءۇشىن ءسىز داۋىس بەرۋگە قاتىسۋىڭىز قاجەت.

سايلاۋ ۋچاسكەلەرىندە داۋىس بەرۋ ساعات 07:00-دەن 20:00-گە دەيىن جۇرگىزىلەدى.

سايلاۋ كۇنى بۇكىل ەل جانە شەتەلدە بويىنشا 9968 سايلاۋ ۋچاسكەسى جۇمىس ىستەيتىن بولادى.

بارلىق دەڭگەيدەگى سايلاۋ ورگاندارى داۋىس بەرۋ كۇنى بارلىق سايلاۋ راسىمدەرىن قاتاڭ ساقتاۋعا ءتيىس. ءسىزدىڭ ءارقايسىڭىزعا داۋىس بەرۋ قۇپياسى قامتاماسىز ەتىلەدى.

داۋىستاردى ساناۋ پروسەدۋراسى بارىنشا اشىق، ال الدىن الا داۋىس بەرۋ قورىتىندىلارى قىسقا مەرزىمدە جاريالاناتىن بولادى.

سايلاۋ بيۋللەتەندەرىن الۋ ءۇشىن ۋچاسكەلىك سايلاۋ كوميسسياسىنىڭ مۇشەلەرىنە ءسىزدىڭ جەكە باسىڭىزدى كۋالاندىراتىن قۇجاتتى ۇسىنۋ قاجەت.

ەگەر داۋىس بەرۋ قۇقىعىن بەرەتىن ەسەپتەن شىعارۋ كۋالىگى بولعان جاعدايدا، ونى ۋچاسكەلىك سايلاۋ كوميسسياسىنىڭ مۇشەلەرىنە دە كورسەتۋ قاجەت.

سايلاۋدا داۋىس بەرۋ قۇقىعىن باسقاعا بەرۋ جانە باسقا تۇلعا ءۇشىن داۋىس بەرۋگە جول بەرىلمەيدى.

سايلاۋ بيۋللەتەندەرىن ءسىز ءوز قولىڭىزبەن جاسىرىن داۋىس بەرۋگە ارنالعان كابينادا عانا تولتىراتىنىن ەستە ساقتاڭىز. قاعاز بيۋللەتەندەردى تولتىرۋ كەزىندە، ءسىز داۋىس بەرەتىن كانديداتتىڭ تەگىنەن وڭ جاقتاعى بوس شارشىعا كەز كەلگەن بەلگى قويىڭىز.

بيۋللەتەنگە قارىنداشپەن بەلگى قويۋعا، سونداي-اق وعان قانداي دا ءبىر تۇزەتۋلەر ەنگىزۋگە جول بەرمەڭىز. مۇنداي بيۋللەتەندەر، سونداي-اق سايلاۋشىلاردىڭ ەركىن ءبىلدىرۋىن انىقتاۋ مۇمكىن ەمەس بيۋللەتەندەر جارامسىز دەپ سانالادى، دەمەك ءسىزدىڭ داۋىسىڭىز ەسكەرىلمەيدى.

سونىمەن قاتار، سايلاۋ بيۋللەتەنىن جاريالاۋعا جانە تاراتۋعا جول بەرىلمەيدى، سەبەبى بۇل زاڭمەن بەلگىلەنگەن جاۋاپكەرشىلىككە تارتۋعا اكەپ سوقتىرۋى مۇمكىن.

ەگەر سايلاۋ كۇنى ءسىز سايلاۋ ۋچاسكەسىنە دەنساۋلىق جاعدايى بويىنشا نەمەسە وتباسىنىڭ اۋرۋ مۇشەسىنە كۇتىم جاساۋ سەبەبىنەن كەلە الماساڭىز، سونداي-اق سايلاۋ ۋچاسكەسى قۇرىلماعان شالعاي جانە جەتۋ قيىن جەردە بولعان جاعدايدا، ءسىز ۋچاسكەلىك سايلاۋ كوميسسياسىنا «ۇيدە» داۋىس بەرۋدى ۇيىمداستىرۋ تۋرالى وتىنىشپەن جۇگىنۋگە قۇقىلىسىز.

وتىنىشتەر 2019 جىلعى 9 ماۋسىم ساعات 12:00-گە دەيىن قابىلدانادى.

قازاقستان رەسپۋبليكاسى ورتالىق سايلاۋ كوميسسياسى سىزدەردى جوعارى ازاماتتىق بەلسەندىلىك پەن ەلىمىزدىڭ قازىرگى جانە بولاشاعى ءۇشىن جاۋاپكەرشىلىك تانىتۋعا، سايلاۋ ۋچاسكەلەرىنە كەلىپ، ءوز تاڭداۋىڭىزدى جاساۋعا شاقىرادى!

ءبىز قازاقستان رەسپۋبليكاسى پرەزيدەنتىنىڭ اشىق، ادال جانە ءادىل سايلاۋى ءۇشىن! سايلاۋعا كەلىڭىزدەر! داۋىس بەرىڭىزدەر! ءسىزدىڭ تاڭداۋىڭىز- ءسىزدىڭ بولاشاعىڭىز!