الماتى ارەنا سپورت كەشەنىنىڭ الدىنا رينات زايىتوۆ باستاعان تاۋەلسىز باقىلاۋشىلار پرەزيدەنتتىك سايلاۋ قورىتىندىسى ادىلەتسىز دەپ مالىمدەمە جاساماق بولعان. سول ماڭدى تورۋىلداپ جۇرگەن پوليسيا قىزمەتكەرلەرى ولاردى بىردەن الىپ كەتكەن دەپ حابارلايدى Qamshy.kz اقپارات اگەنتتىگى.
وڭعار قابدەننىڭ فەيسبۋك الەۋمەتتىك جەلىسىندەگى تىكەلەي ەفيردەن وقيعا ورنىندا ءبىر ازاماتتىڭ ەسىنەن تانىپ قۇلاپ قالعانىن كورۋگە بولادى. جەدەل جاردەم كولىگىن شاقىرعان، الايدا جەدەل جاردەم كەشىككەن.
جينالعان ازاماتتار: "ءبىزدىڭ ماقساتىمىز حالىققا جەتكىزۋ. حالىق ءبارىن ءبىلىپ وتىر. حالىقتىڭ كوزى اشىق. ريناتتى شاقىرىڭدار!"، - دەيدى. اشىنعان حالىق پوليسەيلەردىڭ جولىن بوگەپ، كولىكتەردى وتكىزبەي جاتىر.
ەستەرىڭىزگە سالا كەتسەك، رينات زايىتوۆ جانە ءبىر توپ تاۋەلسىز باقىلاۋشىلار Instagram-داعى پاراقشاسىندا سايلاۋ قورىتىندىسىمەن كەلىسپەيتىنىن مالىمدەگەن بولاتىن.
پىكىر قالدىرۋ