رەسەيدەگى «گولوس. دەتي» بايقاۋىندا جارق ەتىپ جۇلدىزى جانعان ورەننىڭ كەشى انشلاگپەن ءوتتى دەپ حابارلايدى Qamshy.kz اقپارات اگەنتتىگى «حابار 24» تەلەارناسىنا سىلتەمە جاساپ.
ۇيىمداستىرۋشىلاردىڭ ايتۋىنشا، 2700 بيلەت تولىعىمەن ساتىلعان. 300-دەي بيلەت كوپ بالالى انالار مەن مۇمكىندىگى شەكتەۋلى ازاماتتارعا تەگىن تاراتىلدى.
جالپى، مەرەكەلىك كەش ەلوردانىڭ 21 جىلدىعىنا ورايلاستىرىلعان. كونسەرتتە ەرجان ماكسيم ۇلىقپان جولداسوۆ، رەنات گايسين، ساكەن مايعازييەۆ سىندى قازاقستاننىڭ ەڭبەك سىڭىرگەن قايراتكەرلەرىمەن دۋەتتە ءان شىرقادى.
اندەردىڭ باسىم بولىگى پاتريوتتىق سارىندا. الەمدىك كلاسسيكا تۋىندىلارى دا بولدى.
كونسەرتتىڭ تەليەۆيزيالىق نۇسقاسى شىلدەنىڭ 7ء-سى كۇنى «حابار» ارناسىندا كورسەتىلەدى دەپ جوسپارلانعان.
اسحات ماەميروۆ، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى:
– ەلىمىزدە بۇرىن-سوڭدى ءدال 11 جاسىندا ۇلكەن ەسترادالىق سيمفونيالىق وركەسترمەن جەكە شىعارماشىلىق كونسەرت بەرۋ ءبىرىنشى رەت بولىپ تۇر. «بۇلاق كورسەڭ، كوزىن اش» دەيدى عوي. ءبىزدىڭ ەرجان كىشكەنتاي بەس جاسىنان باستاپ ساحنادا ءان شىرقاپ كەلە جاتىر. ءانشى جاس تالانت ارماندايتىنداي كونكۋرستاردىڭ بارلىعىنا قاتىستى. ونىڭ فەنومەندىگى ەرەسەك ۆوكاليستەر ورىندايتىن كۇردەلى كلاسسيكالىق تۋىندىلاردى شىرقاۋىندا جانە سونى ەش قىسىلماي، ءوزىنىڭ بۇكىل تابيعات بەرگەن مۇمكىندىگىن كورسەتۋىندە دەپ مەن ويلايمىن.
پوسموترەت ەتۋ پۋبليكاسيۋ ۆ Instagram
