اتىراۋ جاقتاعى جۇمىسشىلار قاتىسقان تەڭىزدەگى جانجال باسىلدى دەپ حابارلايدى Qamshy.kz اقپارات اگەنتتىگى.

بۇل تۋرالى قازاقستاننىڭ ىشكى ىستەر مينيسترلىگىندە حابارلادى.

"اتىراۋ وبلىسىنىڭ پوليسيا دەپارتامەنتى تەڭىز ۆاحتالىق اۋىلىندا بۇزاقىلىق دەرەگى بويىنشا سوتقا دەيىنگى تەرگەۋدى باستادى. ىشكى ىستەر ورگاندارىنىڭ قىزمەتكەرلەرى وقيعاعا قاتىسۋشىلارمەن پروفيلاكتيكالىق جۇمىستار جۇرگىزدى. قازىرگى ۋاقىتتا قاقتىعىس اياقتالدى. ىشكى ىستەر مينيسترلىگى جالعان اقپارات تاراتۋدان اۋلاق بولۋعا شاقىردى"، - دەلىنگەن ءىىم حابارلاماسىندا.

ەسكە سالساق، وقيعا 29 ماۋسىمدا ساعات 11:00-دە "تەڭىز" ۆاحتالىق اۋىلىندا بولدى، "سohsolited Contracting Endihering and Prourement s.a. L Offshore (سسەر)" كومپانياسىنىڭ جۇمىسشىلارى جۇمىس ۋچاسكەسىنە جينالىپ، ليۆيا ازاماتى Eli Daoud-تىڭ جاقىندا جاريالاعان سۋرەتىنە قاتىستى نارازىلىقتارىن بىلدىرگەن. 

ءبىرشاما ۋاقىتتان كەيىن ليۆيا ازاماتى قازاق حالقىنان كەشىرىم سۇراپ، ۆيدەو جاريالاعان بولاتىن. 

وقي وتىرىڭىز، ♦قازاقتاردىڭ اشۋىنا تيگەن ليۆيا ازاماتى قازاق ۇلتىنان كەشىرىم سۇرادى (ۆيدەو)