بۇگىن تۇركىستان وبلىسىنىڭ اكىمى ءومىرزاق شوكەيەۆ اپتالىق اپپاراتتىق ءماجىلىستى ارىس قالاسىنىڭ اكىمدىگىندە وتكىزدىدەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ. جيىنعا وڭىردەگى قۇرىلىم باسشىلارىنان بولەك، رەسپۋبليكانىڭ بارلىق وبلىستارىنىڭ وكىلدەرى قاتىستى.
كۇن تارتىبىندە ارىس قالاسىن قالپىنا كەلتىرۋ ماسەلەسى قارالىپ، اتقارىلاتىن جۇمىستار پىسىقتالدى. ماجىلىستە ايماق باسشىسى اۋدان-قالا باسشىلارىنا تاپسىرىلعان جۇمىسقا جاۋاپكەرشىلىكپەن قاراۋ كەرەكتىگىن ەسكەرتتى. سونداي-اق، باسقا وبلىستىڭ وكىلدەرىنە دە نىسانداردى جوندەۋدى مەرزىمىنەن كەشىكتىرمەي اتقارۋ كەرەكتىگىن پىسىقتادى.
"مەن وسىندا ءبىر اي بولىپ، قۇرىلىستى كۇندە باسىندا تۇرىپ قاداعالايمىن. ەگەر قاي اۋدان نەمەسە قالا جۇمىستى دۇرىس ۇيىمداستىرا الماسا، جاۋاپتى ادامدى جۇمىستان بوساتامىن. ال، جاۋاپتى وبلىستار سالعىرتتىق تانىتسا، ۇكىمەت باسشىسىنا مالىمدەيمىن. حالىقتىڭ مۇقتاجىن جەدەل شەشۋىمىز كەرەك"،- دەدى ءومىرزاق شوكەيەۆ.
پىكىر قالدىرۋ