بۇل تۋرالى بۇگىن وڭىرلىك كوممۋنيكاسيالار قىزمەتى الاڭىندا وتكەن بريفينگتە «امانات» ازاماتتىق پلاتفورماسىنىڭ وبلىستىق شتاب جەتەكشىسى عاليا جالعاسباي مالىمدەدى.

«امانات» ازاماتتىق پلاتفورماسىنىڭ باستى مىندەتى –  9-ماۋسىم كۇنى وتەتىن پرەزيدەنتتىك سايلاۋعا مونيتورينگ جۇرگىزۋ. وسى ماقساتتا، ارنايى بايقاۋشىلاردىڭ قاتارى جاساقتالىپ، ولار زاندى تۇرعىدا بىلىمدەرىن جەتىلدىردى.

جالپى وبلىستا سايلاۋ كەزىندە باقىلاۋ جۇرگىزەتىن كاسىبي بايقاۋشىلاردىڭ 223 قۇرامى بار. ولاردىڭ 40 پايىزىن جاستار، 60 پايىزىن ورتا بۋىن وكىلدەرى  قۇراپ وتىر. تاۋەلسىز باقىلاۋشىلاردىڭ جۇيەسى وبلىستا العاش رەت ۇيىمداستىرىلىپ وتىرعاندىقتان اۋقىمى دا كەڭ. سونداي-اق موبيلدىك كاپيتاندار مەن بايقاۋشى توپتاردى وقىتۋ وبلىس كولەمىندە جۇزەگە اسىپ، شتاب وكىلدەرى اۋىل-اۋدانداردى ارالاپ بىرنەشە رەت كەزدەسۋ وتكىزدى. قازىرگى ۋاقىتتا سايلاۋ ۋچاسكەلەرى مۇشەلەرىنىڭ تەڭ جارتىسى جاڭارعان.سايلاۋ كوميسسيالارىنىڭ قۇرامى داۋىس بەرۋشىلەردىڭ سانىنا قاراي 5-تەن 11 ادامعا دەيىن كوبەيەدى، ال «اماناتتىقتار» ەشبىر كانديداتقا جاقتاس بولا المايدى. 

«تۇجىرىمداماعا سايكەس تاۋەلسىز باقىلاۋشىلار جۇيەسىن قۇرۋ ءۇشىن ولاردى وقىتۋمەن  اينالىساتىن ون موبيلدىك كاپيتان دايىندالدى. ولار اۋدان-اۋىلداردى ارالاپ، شەبەرلىك ساعاتتارىن وتكىزىپ، تاجىريبەلەرىمەن بولىسۋدە. قازىرگى ۋاقىتتا ءبىر وبلىستىق، جەتى اۋماقتىق سايلاۋ كوميسسيالارىنىڭ قۇرامىنا بىرىككەن 223 ۋچاسكى ساياسي ناۋقانعا تولىقتاي دايىن»،-دەدى «امانات» ازاماتتىق پلاتفورماسىنىڭ وبلىستىق شتاب جەتەكشىسى عاليا جالعاسباي.

ايتا كەتەيىك،  «امانات» ازاماتتىق پلاتفورماسىنىڭ 7 ادامنان تۇراتىن شتابى وڭىردە جۇمىسىن باستاعان بولاتىن. ولار بارلىق سايلاۋ ۋچاسكەلەرىندە جۇمىس ىستەيتىن باقىلاۋشىلاردى دايارلاۋمەن اينالىسادى. كانديداتتاردىڭ قىزمەتتەرىنىڭ ارتۇرلىلىگىنە قاراماستان، تەڭ دەڭگەيدە ءبىر تاڭداۋ جاساۋدى مونيتورينگ جۇزەگە اسىرادى.  سونىمەن قاتار، ءاربىر ازامات ءوزى تاڭداعان پرەزيدەنتىنە جەكە اماناتىن تاپسىرادى.