بۇگىن 8 جەلتوقسان كۇنى اقتاۋ اكىمدىگىندە كوپبالالى انالاردى ماراپاتتاۋ ءراسىمى ءوتتى. سالتاناتتى شارا بارىسىندا قالا اكىمىنىڭ ورىنباسارى بەكزات ءجۇسىپ كوپبالالى انالارعا «التىن القا» جانە «كۇمىس القا» توسبەلگىلەرىن تابىستاپ، ولاردىڭ قوعامداعى ەرەكشە ورنى مەن ۇرپاق تاربيەسىندەگى ەرەن ەڭبەگىنە جوعارى باعا بەردى.

- سىزدەردىڭ ەڭبەكتەرىڭىز دۇنيەگە اكەلگەن بالا سانى ارقىلى ەمەس، سول پەرزەنتتەردىڭ ەرتەڭ قوعامعا قوساتىن ۇلەسىمەن، مەملەكەتىمىزدىڭ بولاشاعىنا اتقاراتىن قىزمەتىمەن باعالانادى. سوندىقتان سىزدەر تاربيەلەپ وتىرعان ءاربىر بالا – ەلدىڭ ەرتەڭى، ءبىزدىڭ بولاشاعىمىز. قازاقتا «انا – ءومىردىڭ باستاۋى، تاربيەنىڭ مەكتەبى» دەيدى. سول سەبەپتى سىزدەردىڭ ەڭبەكتەرىڭىز زور، ءبىز ونى ۇلكەن قۇرمەتپەن باعالايمىز. دۇنيەگە اكەلىپ، كوز قۋانىشىنا اينالعان سابيلەرىڭىز امان بولسىن، عۇمىر جاستارى ۇزاق بولسىن، – دەدى قالا اكىمىنىڭ ورىنباسارى.

ماراپاتتاۋ ءراسىمى اياسىندا 7 انا «التىن القا»، ال، 33 انا «كۇمىس القا» اتاعىن يەمدەندى. ءوز كەزەگىندە مەرەيى ارتقان انالار اتىنان التى بالانىڭ اناسى، «كۇمىس القا» يەگەرى گۇلجازيرا سابىتايەۆا مەملەكەت تاراپىنان كورسەتىلىپ وتىرعان قولداۋ مەن قۇرمەت ءۇشىن ريزاشىلىعىن ءبىلدىردى.

اقتاۋ قالاسى اكىمدىگىنىڭ باسپا ءسوز قىزمەتى