ستاتيستيكالىق دەرەكتەرگە سايكەس، 2025 جىلدىڭ 9 ايىندا وڭىرگە 350 مىڭنان استام تۋريست كەلىپ، 17،2 ملرد تەڭگەگە جۋىق قىزمەت كورسەتىلدى. بۇل كورسەتكىش وتكەن جىلمەن سالىستىرعاندا 13%-عا ارتقان. شەتەلدىك تۋريستەردى قابىلداۋ بويىنشا ماڭعىستاۋ رەسپۋبليكادا 3-ورىنعا تۇراقتادى. بۇل تۋرالى ءوڭىر اكىمى نۇرداۋلەت قيلىباي وكق-دا وتكەن بريفينگتە مالىمدەدى.

وڭىردە 2025-2029 جىلدارى جالپى قۇنى 198 ملرد تەڭگە بولاتىن 17 تۋريستىك ينۆەستيسيالىق جوبالاردى ىسكە اسىرۋ جوسپارلانۋدا. ناتيجەسىندە 800-دەن استام جاڭا جۇمىس ورنى اشىلادى. سونىمەن قاتار بيىل «Omir apartments» اپارتامەنتتەرى -2 كەزەڭ،«Wyndham Garden Aktau» جانە «Shahristan» قوناق ءۇي كەشەندەرى، دوستار قوناق ءۇيىن قايتا قۇرىلىمداۋ سىندى 4 جوبا پايدالانۋعا بەرىلدى. بۇدان بولەك تەرمالدى سۋلارى بار ساناتوريي-كۋرورتتىق كەشەنى سالىنىپ جاتىر جانە بالالار دەمالىسىن دامىتۋ ماقساتىندا كاسپيي جاعالاۋىندا كوپفۋنكسيونالدى «Aqqu Resort&Camp» ورتالىعى اشىلدى. سونداي-اق بوزجىرا شاتقالىندا ساپار ورتالىعىنىڭ قۇرىلىسى اياقتالىپ، الداعى تۋريستىك ماۋسىمدا ىسكە قوسىلادى. 

«وڭىردە ءتۋريزمدى دامىتۋ بويىنشا كەشەندى جوسپار جۇزەگە اسۋدا. ماڭعىستاۋ، شەتپە جانە بەينەۋ تەمىرجول ۆوكزالدارى جاڭعىرتىلىپ جاتىر، سونداي-اق كەندىرلىدە جاڭا اۋەجايدىڭ قۇرىلىسى باستالدى. بۇل ينفراقۇرىلىم سالانى جاڭا دەڭگەيگە شىعارادى»، – دەدى نۇرداۋلەت قيلىباي.

ماڭعىستاۋ وبلىسى اكىمىنىڭ باسپا ءسوز قىزمەتى