اقتاۋ قالالىق كاسىپكەرلىك جانە اۋىل شارۋاشىلىعى ءبولىمى ارقىلى 11 ءتۇرلى مەملەكەتتىك قىزمەت كورسەتىلەدى. سونىڭ ءبىرى – اۋىل شارۋاشىلىعى جانە ارنايى ماقساتتاعى تەحنيكالاردى، سونداي-اق ولاردىڭ تىركەمەلەرىن جىل سايىنعى مىندەتتى تەحنيكالىق بايقاۋدان وتكىزۋ قىزمەتى.

اتالعان قىزمەت «ە-ليسەنزيا» مەملەكەتتىك دەرەكتەر قورى ارقىلى ەلەكتروندى فورماتتا جۇزەگە اسىرىلادى. بۇل ازاماتتاردىڭ ۋاقىتىن ۇنەمدەۋگە جانە قىزمەت الۋدىڭ قولايلىلىعىن ارتتىرۋعا مۇمكىندىك بەرەدى.

مەملەكەتتىك قىزمەتتى الۋ ءۇشىن قاجەتتى قۇجاتتار:

1. ە-ليسەنزيا اقپاراتتىق جۇيەسى ارقىلى ەلەكتروندىق ءوتىنىش بەرۋ؛
2. كولىك قۇرالىنىڭ تەحنيكالىق قۇجاتىنىڭ (تەحپاسپورت) كوشىرمەسىن تىركەۋ.

ايتا كەتەيىك، 2025 جىلدىڭ قاڭتار-قازان ايلارى ارالىعىندا اقتاۋ قالالىق كاسىپكەرلىك جانە اۋىل شارۋاشىلىعى ءبولىمى 327 تەحنيكانى ەلەكتروندىق فورماتتا تەحنيكالىق بايقاۋدان وتكىزدى. ونىڭ ىشىندە:
- 162 جەكە تۇلعاعا،
- 165 زاڭدى تۇلعاعا مەملەكەتتىك قىزمەت كورسەتىلدى.

- مەملەكەتتىك تەحنيكالىق بايقاۋ پروسەسى «ە-ليسەنزيا» ارقىلى جۇزەگە اسىرىلادى، ءوتىنىش بەرۋشى قاجەتتى قۇجاتتاردى تىركەپ، ونلاين تۇردە قىزمەت الا الادى. سونىمەن قاتار، بارلىق پروسەستەر زاڭعا سايكەس اشىق جانە جۇيەلى تۇردە جۇرگىزىلەدى، — دەدى اقتاۋ قالالىق كاسىپكەرلىك جانە اۋىل شارۋاشىلىعى ءبولىمنىڭ باس مامانى زۋحرا بەرماعانبەتوۆا.

اقتاۋ قالاسى اكىمدىگىنىڭ باسپا ءسوز قىزمەتى