اقتاۋ قالالىق ىشكى ساياسات جانە تىلدەردى دامىتۋ ءبولىمىنىڭ مەملەكەتتىك الەۋمەتتىك تاپسىرىسى اياسىندا ن. ءجانتورين اتىنداعى ماڭعىستاۋ وبلىستىق مۋزىكالىق-دراما تەاترىندا "تاعدىر" اتتى الەۋمەتتىك-پسيحولوگيالىق سپەكتاكلى ءوتتى.

شارا بارىسىندا قويىلىم اۆتورى ءارى رەجيسسەرى انار بيسەنبينا كورەرمەندەردىڭ ىقىلاسىنا توقتالىپ، قوعامدا ءۇنسىز قالماۋدىڭ ماڭىزدىلىعىن اتاپ ءوتتى.

- اقتاۋ حالقى تىڭ دۇنيەنى تاماشالاپ وتىر. زالدا ورىن تاپشىلىعىنىڭ ءوزى – قوعامنىڭ ءوز تاعدىرىنا بەيجاي قارامايتىنىن كورسەتەدى. ەڭ ۇلكەن قاسىرەت – ۇنسىزدىك. جاستاردىڭ قويىلىمنان وزىنە قاجەت وي ءتۇيىپ، قوعامعا ۇلەس قوسۋعا نيەتتەنىپ كەلگەنىنە قۋانىشتىمىن، – دەدى انار بەيسەنبينا.

سونداي-اق ءىس-شارا بارىسىندا شەتەلدەن كاسىبي رەجيسسەر ماماندىعىن مەڭگەرگەن بارلىق مۇڭالباي ۇلىنىڭ «ءتۇبىر» ينستا-سەريالىنان ءۇزىندى كورسەتىلدى. اۆتوردىڭ ايتۋىنشا، جوبا قوعامداعى الەۋمەتتىك ماسەلەلەردى قىسقا فورماتتا جەتكىزۋدى ماقسات ەتەدى.

- «ءتۇبىر» – مەن ءۇشىن جاڭا فورمات. الەۋمەتتىك تاقىرىپتاردى ىقشام تۇردە كورسەتۋگە مۇمكىندىك بەرەدى. جوبا اقتاۋ قالاسىندا ەكى اي بويى بىرنەشە لوكاسيادا ءتۇسىرىلدى. تۋىندىعا جەرگىلىكتى تانىمال ارتىستەر قاتىستى، – دەدى بارلىق مۇڭالباي ۇلى.

اقتاۋ قالاسى اكىمدىگىنىڭ باسپا ءسوز قىزمەتى