28 قاراشا كۇنى اقتاۋ اكىمدىگىندە قالالىق ءماسليحاتتىڭ كەزەكتەن تىس جيىرما التىنشى سەسسياسى ءوتتى. جيىنعا قالالىق ءماسليحات ءتوراعاسى سەمبىعالي زاكەنوۆ، قالا اكىمىنىڭ ورىنباسارلارى، ءماسليحات دەپۋتاتتارى قاتىستى.

سەسسيا بارىسىندا وڭايتىلعان دەكلاراسيا نەگىزىندە ارناۋلى سالىق رەجيمىن قولدانۋ كەزىندە سالىق مولشەرلەمەسىنىڭ مولشەرىن تومەندەتۋ تۋرالى جانە اقتاۋ قالاسىنىڭ شەكاراسىن وزگەرتۋ جونىندە ۇسىنىس ەنگىزۋ ماسەلەلەرى قارالدى.

ءىس-شارادا اقتاۋ قالالىق كاسىپكەرلىك جانە اۋىل شارۋاشىلىعى ءبولىمىنىڭ باسشىسى شاعىن جانە ورتا بيزنەس سۋبەكتىلەرىن قولداۋ ماقساتىندا ۇسىنىلىپ وتىرعان وزگەرىستەر مەن سالىق مولشەرلەمەسىن تومەندەتۋ ارقىلى كاسىپكەرلەرگە تۇسەتىن جۇكتەمەنى ازايتۋ تۋرالى باياندادى.

سونىمەن قاتار جيىندا جۇمىسسىزدىق ماسەلەسى، تەڭىز جاعالاۋى اۋماقتارىن يگەرۋ ارقىلى ءتۋريزمدى دامىتۋ، ينفراقۇرىلىمدى جاڭعىرتۋ، ينۆەستيسيالىق احۋالدى جاقسارتۋ جانە سۋ قورعاۋ ايماعى مەن بەلدەۋىنىڭ شەكارالارىن ناقتىلاۋ قاجەتتىگى ايتىلدى.

دەپۋتاتتار كۇن تارتىبىندەگى ماسەلەلەر بويىنشا سۇراقتار قويىپ، ۇسىنىلعان باستامالاردى قولداپ، ءتيىستى شەشىمدەر قابىلدادى.

اقتاۋ قالاسى اكىمدىگىنىڭ باسپا ءسوز قىزمەتى