اقتاۋ قالاسىنىڭ 12 كوشەسىندە اۆتوجولدارعا وڭعا بۇرىلۋ جولاعى قوسىمشا سالىندى.
- قالادا كولىك كەپتەلىسىنىڭ الدىن الۋ ماقساتىندا وتكەن جىلى 7 جەردە كەدەرگىسىز وڭعا بۇرىلۋ جولاقتارى ۇيىمداستىرىلعان بولاتىن. بيىل بۇل باعىتتاعى جۇمىستار جالعاسىپ، تاعى 4 اۆتوموبيل جولى قيىلىسىنا 5 قوسىمشا وڭعا بۇرىلۋ جولاعىن سالىندى، - دەدى قالا اكىمى ءابىلقايىر بايپاقوۆ تۇرعىندارمەن ەسەپتىك كەزدەسۋىندە.
سونداي-اق 9 772 شارشى مەتر اۆتوموبيل جولدارىنداعى جولاقتار سۋىق پلاستيكپەن جانە 1500 شارشى مەتر جول تاڭباسى تەرموپلاستيكپەن جاڭارتىلىپ، 18 719 م2 شۇڭقىرلى جول جوندەۋ جۇمىستارى جۇرگىزىلدى. 16 قيىلىسقا باعدارشام ورناتىلىپ، ولار كەزەڭ-كەزەڭىمەن قوسىلىپ جاتىر. قوعامدىق كولىك ينفراقۇرىلىمىن جاقسارتۋ جانە تۇرعىندارعا جايلى ورتا قالىپتاستىرۋ ماقساتىندا 100 ايالداما ورناتىلعان.
- جاڭادان ورناتىلعان ايالدامالار جارىقتاندىرۋ جۇيەسى جانە قوقىس جاشىكتەرىمەن قامتىلعان. سونىمەن قاتار اقتاۋ قالاسىندا قوعامدىق كولىك ينفراقۇرىلىمىن جاڭارتۋ جۇمىستارى اياسىندا بيىل اۆتوبۋس پاركى 100%-عا جاڭارتىلدى، - دەدى اكىم.
بۇعان دەيىن حابارلاعانىمىزداي، ماڭعىستاۋ اتوم ەنەرگەتيكالىق كومبيناتىنىڭ كانالى ارقىلى جەتكىزىلەتىن سۋ مولشەرىنىڭ ازايۋىنا بايلانىستى 2026 جىلى كاسپيي تەڭىزىن تەرەڭدەتۋ جۇمىستارى باستالماق.
