اقتاۋ قالاسىندا جىل باسىنان بەرى «تازا قازاقستان» ەكولوگيالىق اكسياسى شەڭبەرىندە 7 مىڭنان استام اعاش ەگىلدى.

- ماڭعىستاۋدىڭ كليماتتىق جاعدايىنا جاقسى بەيىمدەلگەن ۇيەڭكى، شىنار، اكاسيا، ايلاند، بال شەگىرتكە، تۋيا، ارشا جانە قايىڭ سەكىلدى اعاش تۇرلەرى ەگىلدى، - دەدى قالا اكىمى ءابىلقايىر بايپاقوۆ تۇرعىندارمەن ەسەپتىك كەزدەسۋىندە.

كۇزگى ماۋسىمىنىڭ وزىندە 2 مىڭنان استام بيىكتى 4،4 جارىم مەترلىك اعاش ەگىلگەن.

سونداي-اق سپۋتنيكتىك ءتۇسىرىلىم ارقىلى زاڭسىز توگىلگەن ءىرى قوقىس قالدىقتارىنىڭ 17 نۇكتەسى انىقتالىپ، دەمەۋشىلەردىڭ قولداۋى ەسەبىنەن تولىق تازارتىلدى.

قوقىس جيناۋ الاڭدارىنا زاماناۋي 1،1 تەكشە مەتر 500 دانا مىرىشتالعان ەۋرو قوقىس جاشىگىن ساتىپ الۋ جوسپارلانىپ وتىر.

جالپى اقتاۋ قالاسىندا پرەزيدەنت قاسىم-جومارت توقايەۆتىڭ باستاماسىمەن جۇزەگە اسقان «تازا قازاقستان» رەسپۋبليكالىق اكسياسى اياسىندا بيىل 25
ءىس-شارا وتكىزىلدى. 

بۇعان دەيىن حابارلاعانىمىزداي، اقتاۋ قالاسىنىڭ 12 كوشەسىندەگى قيىلىسقا كەدەرگىسىز بۇرىلۋ جولاقتارى قوسىلدى.