1 ماۋسىم كۇنى اقتاۋداعى «ماڭعىستاۋ ارەنا» سپورت سارايىندا «اكەم، انام جانە مەن: تاتۋ وتباسىمىز» اتتى سپورتتىق جانە قايىرىمدىلىق اكسياسى ءوتتى. وندا ماڭعىستاۋداعى سالاۋاتتى ءومىر سالتىن قالىپتاستىرۋ ورتالىعى 300 بالاعا سىيلىقتار تابىس ەتتى.

وتباسىلىق ۇلگىدەگى وبلىستىق بالالار اۋىلىنىڭ تاربيەلەنۋشىلەرى، كامەلەتكە تولماعاندارعا بەيىمدەلۋ ورتالىعى، كوپ بالالى وتباسىلاردان شىققان بالالار مەن مۇمكىندىگى شەكتەۋلى بالالارعا ارنالعان كونكۋرستار، ەستافەتالار، زۋمبا ءبيى ۇيىمداستىرىلدى. بالالارعا تاتتىلەر، ويىنشىقتار جانە ءتۇرلى سىيلىقتار بەرىلدى.

اكسيانى وبلىستىق جانە قالالىق اكىمدىكتەر، ماڭعىستاۋ وبلىستىق دەنساۋلىق ساقتاۋ باسقارماسى، «مىندەتتى الەۋمەتتىك مەديسينالىق ساقتاندىرۋ قورى» ماڭعىستاۋ فيليالى، بانكتەر جانە ايماقتىق كومپانيالار قارجىلاندىردى.

ماڭعىستاۋ وبلىسىنىڭ اكىمى ەرالى توعجانوۆتىڭ اتىنان اكسياعا قاتىسۋشىلاردى وبلىستىق ىشكى ساياسات ءبولىمى باستىعىنىڭ ورىنباسارى مۇحتار يبرايموۆ قۇتتىقتادى.

وبلىستىق سالاۋاتتى ءومىر سالتىن قالىپتاستىرۋ ورتالىعى اكسيانىڭ 300 كىشكەنتاي قاتىسۋشىسىنا سىيلىقتار مەن ويىنشىقتار تابىستادى.

- قۇرمەتتى بالالار! سىزدەر – ۇلكەن باقىتتىڭ كىشكەنە بولىگىسىزدەر، ءاربىر ەرەسەك ادامنىڭ ءومىرىن شىنايى قۋانىش پەن جىلۋلىققا تولتىراتىن عاجايىپ جانسىز. بالالار دا ماحاببات پەن قامقورلىققا، اتا-انانىڭ قامقورلىعىنا مۇقتاج جانە ءاربىر بالانىڭ جۇرەگى بۇل كىشكەنە باقىتتان ايىرىلماۋى كەرەك. بالالار مەيرامىندا ءاربىر بالاعا قامقور وتباسى جانە بالالىق شاقتى الاڭسىز وتكىزۋدى تىلەيمىن. بالالاردىڭ كۇلكىسى ەلىمىزدى جارقىراتىپ، قۇلپىرتسىن. ماڭعىستاۋدىڭ ءاربىر كىشكەنتاي تۇرعىنى دەنى ساۋ جانە باقىتتى بولسىن، - دەدى «مو سالاۋاتتى ءومىر سالتىن قالىپتاستىرۋ ورتالىعىنىڭ» اتقارۋشى ديرەكتورى بانۋ ۇزاقبايەۆا.

سالاۋاتتى ءومىر سالتىن قالىپتاستىرۋ ورتالىعىنىڭ قىزمەتكەرلەرىنە اقتاۋ قالاسىنىڭ №2 ارنايى ورتا مەكتەبى، وبلىستىق وتباسىلىق ۇلگىدەگى بالالار اۋىلى جانە كامەلەتكە تولماعانداردى بەيىمدەۋ ورتالىعى، «ءبىز - ادامبىز - بىرگەمىز» قوعامدىق بىرلەستىگىنىڭ اتىنان العىس حاتتار بەرىلدى.

-بۇگىن بالالاردى ءتول مەرەكەسىمەن قۇتتىقتاۋعا كەلدىك. مەديسينالىق ساقتاندىرۋ قورى فيليالى اتىنان بالالارعا جەمىس-جيدەكتەر، تاعامدار اكەلدىك. وزدەرىڭىز بىلەسىزدەر، 2020 جىلدان باستاپ دەنساۋلىق ساقتاۋ سالاسىندا جاڭا باعدارلاما – مەديسينالىق ساقتاندىرۋ جۇيەسى ەنەدى. مەملەكەت جاڭا تۋعان نارەستەدەن باستاپ، 18 جاسقا دەيىنگى بالالار ءۇشىن جارنا تولەپ، اۆتوماتتى تۇردە ساقتاندىرىلعاندار تىزىمىنە ەنگىزىپ وتىر. بۇدان بولەك، دەنساۋلىعىندا اقاۋى بار بالالار دا مەملەكەتتىڭ قامقورلىعىندا. بالالار – كەلەشەكتىڭ ايناسى. ولاردىڭ دەنساۋلىعى – ەلدىڭ بولاشاعى، - دەدى «ءمامسق» ماڭعىستاۋ فيليالىنىڭ ءبولىم باسشىسى ايگۇل دادەن.