G20-نىڭ رەسمي سايتىندا رەسەيلىك كۋريل ارالدارىنىڭ جاپونيامەن قوسىلعان كارتاسى كورسەتىلگەن بەينەجازبا ورنالاستىرىلعان دەپ جازادى Qamshy.kz اقپارات اگەنتتىگى.

ماۋسىم ايىنىڭ سوڭىندا كەزەكتى "جيىرمالىق" ءسامميتى وتكەن وساكا قالاسىنا ارنالعان روليكتى پرەمەر-مينيستر سيندزو ابە YouTube-ارناسىنا 19-اقپاندا ورنالاستىرعان. بەينەروليكتىڭ ءۇشىنشى سەكۋندىندا كۋريل تىزبەگىنىڭ ءتورت ارالى  جاپونيا اۋماعىنا قوسىلعان كارتاسى پايدا بولادى.

توكيو رەسەيدىڭ وڭتۇستىك كۋريل ارالدارىنداعى ەگەمەندىگىن مويىندامايدى، سوندىقتان، كارتادا ءوز اۋماعى رەتىندە بەينەلەپتى-مىس.

كۋريل ماسەلەسى

ەكىنشى دۇنيەجۇزىلىك سوعىستان كەيىنارالعا قاتىستى رەسەي مەن جاپونيا  بەيبىت كەلىسىم-شارت جاساسقان جوق.

ولاردىڭ اراسىنداعى نەگىزگى قاقتىعىستار كۋناشير، شيكوتان، يتۋرۋپ جانە حابوماي  ارالدارىنا قاتىستى. توكيو وسىعان وراي 1855 جىلى ساۋدا جانە شەكارالار تۋرالى ەكىجاقتى تراكتاتقا سىلتەمە جاساعان.

ماسكەۋ، ءوز كەزەگىندە، سوعىس قورىتىندىسى بويىنشا بۇل ارالدار كسرو اۋماعىنىڭ ءبىر بولىگىنە اينالعانىن، ال رەسەيلىك بيلىك ولارعا كۇمان كەلتىرمەيتىندىگىن اتاپ وتەدى.

1956 جىلى كسرو جانە جاپونيا بىرىككەن دەكلاراسياعا قول قويدى. ماسكەۋ حابوماي جانە شيكوتان ارالدارىن  جاپونياعا بەرۋ مۇمكىندىگىن قاراستىرۋعا كەلىسەدى. قالعان ەكى ارالدىڭ تاعدىرى قوزعالمادى. دەگەنمەن، كەيىنگى كەلىسسوزدەر ەش ناتيجە اكەلگەن جوق.

بۇل ۇدەرىس 2018 جىلدىڭ قاراشا ايىندا سينگاپۋرداعى پۋتين مەن ابە كەزدەسۋىنەن كەيىن جانداندى. جاپون پرەمەر-مينيسترى ەكى جاق تاراپ 1956 جىلعى دەكلاراسيا نەگىزىندە كەلىسسوزدەردى جەدەلدەتۋگە كەلىستى دەپ مالىمدەدى. بۇل توكيو تاراپىنان ەلەۋلى جول بەرۋ بولىپ سانالدى، ويتكەنى، ونىڭ رەسمي ۇستانىمى ءالى كۇنگە دەيىن بارلىق ءتورت ارالداردى بەرۋدى تالاپ ەتۋ جانە وسىدان كەيىن عانا بەيبىت كەلىسىم-شارت جاساۋ ەدى.

رەسەي بيلىگى جاپونيا، ەڭ الدىمەن، ەكىنشى دۇنيەجۇزىلىك سوعىستىڭ قورىتىندىسىن، ونىڭ ىشىندە وڭتۇستىك كۋريل ارالدارىندا رەسەيدىڭ ەگەمەندىگىن مويىنداۋى كەرەك دەپ بىرنەشە رەت اتاپ ءوتتى.

اۋدارعان: اقجىبەك ارالبەك