"قازپوشتانىڭ" جامبىل وبلىسىنداعى فيليالىنىڭ باسشىسى جۇمىسقا تۇرعىزعانى ءۇشىن كەلىسكەن اقشاسىن الىپ جاتقاندا قۇرىقتالدى. بۇل تۋرالى ق ر سىبايلاس جەمقورلىققا قارسى دەپارتامەنتى حابارلادى دەپ جازادى Qamshy.kz اقپارات اگەنتتىگى.
مالىمدەمەدە ايتىلعانداي، "قازپوشتانىڭ" جامبىل وبلىستىق فيليالىندا پارا الۋ فاكتىسى تىركەلگەن. فيليال باسشىسى ءبولىم باسشىسىنىڭ ماسەلەسىن شەشىپ، ول ۇسىنعان ادامدى جۇمىسقا ورنالاستىرعانى ءۇشىن 250 مىڭ تەڭگە تالاپ ەتكەن.
"كۇدىكتى ءالى ەشتەڭەنى مويىنداعان جوق. تەرگەۋ جالعاسۋدا. كۇدىكتىنىڭ اق، نە قارا ەكەنىن سوت شەشەدى"، دەپ جازعان ارنايى حابارلامادا.
پىكىر قالدىرۋ