شىمكەنت تۇرعىنى ۇيالى تەلەفونىن توكتان اجىراتامىن دەپ كوز جۇمدى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
بۇل تۋرالى شىمكەنت قالالىق توتەنشە جاعدايلار دەپارتامەنتى حابارلادى.
"1996 جىلى تۋعان شىمكەنتتىك ەر ادام ۇيالى تەلەفونىن ەلەكتر قۋاتىنان اجىراتۋ كەزىندە توك سوعىپ، وقىس وقيعا ورنىندا قايتىس بولدى"، – دەلىنەدى قالالىق توتەنشە جاعدايلار دەپارتامەنتىنىڭ حابارلاماسىندا.
2018 جىلى شىمكەنتتە وسىنداي جاعدايمەن ءتورت ادام كوز جۇمعان، ونىڭ ەكەۋى - 14 جانە 9 جاستاعى بالالار.
شىمكەنت قالاسىنداعى توتەنشە جاعدايلار دەپارتامەنتى، تەلەفون قۋاتتاعىشىن توققا قويعاندا اباي بولۋدى ەسكەرتەدى.
"كوبىنە يممۋنيتەتى ءالسىز، تەرشەڭ ادامدار توك سوققاندا بىردەن ءتىل تارتپاي كەتەدى. ادامدى توق ۇرعان ۋاقىتتا وعان كومەكتەسەمىن دەپ جالاڭ قولمەن باس سالماۋ كەرەك، توق وتپەيتىن قۇرعاق ماتامەن ۇستاعان ءجون" دەلىنەدى توتەنشەلىكتەردىڭ كەڭەسىندە.
پىكىر قالدىرۋ