قاتىسۋشىلار قازىلار القاسىنىڭ جۇرەگىن ءارتۇرلى جولمەن باۋراۋدا. مىسالى: ءداستۇرلى قازاق اندەرىن شىرقاپ، دومبىرانىڭ قۇلاعىندا ويناپ، ستەنداپ كورسەتىپ، سان ءتۇرلى ستەنداپ جاساپ، فوكۋستاردى كورسەتتى، دەپ حابارلايدى Qamshy.kz اقپارات اگەنتتىگى.
بايقاۋدىڭ قاتىسۋشىلارىنىڭ ءبىرى، جارما اۋدانىنىڭ نامىسىن قورعاۋعا كەلگەن جاندوس قاليجاروۆ شىعارماشىلىق بايقاۋعا كرەاتيۆتى تۇردە دايىندالىپ كەلىپتى. ول ۆەستەرن ستيلىندە ءان شىرقادى. ال مۋزىكانتتار كومبويلاردىڭ كيىمدەرىن كيىپ، گيتارادا وينادى. ال جاندوس قاليجاروۆ فلەيتامەن ونەر كورسەتتى. بۇدان سوڭ "تيتانيك" ءفيلمىنىڭ مەلودياسىن ورىنداپ، كوپشىلىك قاۋىمنىڭ ىستىق ىقىلاسىنا بولەندى.
– ءىس شارانىڭ باستى ماقساتى – ۇلتتىق سپورت تۇرلەرىن ناسيحاتتاپ، جاستاردىڭ بويىنا پاتريوتيزم سەزىمىن ۇيالاتىپ، ۇلتتىق شىعارماشىلىقتى دامىتۋ.
حالىقارالىق بايقاۋدى شىعىس قازاقستان وبلىستىق ىشكى ساياسات باسقارماسى جاستار رەسۋرستىق ورتالىعى ۇيىمداستىردى. وعان وبلىس اكىمدىگى مەن كوكپەكتى اۋدانىنىڭ اكىمى قولداۋ كورسەتتى. بايقاۋدىڭ وتۋىنە كوپشىلىك قاۋىم دا، ءوڭىردىڭ دەمەۋشىلەرى دە جاقسى قولداۋ ءبىلدىردى. باعالى سىيلىقتار دەمەۋشىلەردىڭ قاراجاتى ەسەبىنەن الىندى. ەڭ باستىسى، بايقاۋ اۋدان تۇرعىندارى مەن كورەرمەندەردىڭ قىزىعۋشىلىعىن تۋدىردى. بۇل قۋانىشتى جاعداي. "تولاعاي سۇلتانى-2019" اتاۋى برەندكە اينالدى. ءبىز ءوز كەزەگىمىزدە ءىس شارانىڭ اۋقىمىن كەڭەيتىپ، ەلىمىز بەن شەتەلدەردەن كەلەتىن قاتىسۋشىلاردىڭ سانىن ارتتىرۋدى كوزدەپ وتىرمىز، – دەدى شىعىس قازاقستان وبلىستىق ىشكى ساياسات باسقارماسى باسشىسىنىڭ ورىنباسارى ريشات رامازانوۆ.
