بايقاۋ بيىل قازاقستان رەسپۋبليكاسىندا جاريالانعان جاستار جىلىنا وراي ۇيىمداستىرىلۋدا، دەپ جازادى شقو اقپارات ورتالىعى.
سپورتتىق سايىسقا رەسەي فەدەراسياسىنىڭ التاي ولكەسىنەن، موڭعوليانىڭ بايان-ولگەي ايماعىنان، الماتى، اقمولا، جامبىل، قاراعاندى، قوستاناي، قىزىلوردا، پاۆلودار، تۇركىستان وبلىستارى مەن شىعىس قازاقستاننىڭ قالالارى مەن اۋداندارىنان كەلگەن 23 جاس جىگىت قاتىسىپ، كىم مىقتىنى انىقتاۋدا.
بايقاۋ ەكى كۇنگە سوزىلادى. وعان قاتىسۋشىلار 24-25 تامىز ارالىعىندا سپورتتىق جانە شىعارماشىلىق قابىلەتتەرىن كورسەتىپ، ءوزارا ب ا ق سىناسپاق. بايقاۋدىڭ باس جۇلدەسىنە – اۆتوكولىك تىگىلگەن.
كۇنى بويى "ۇزدىك جىگىت" بايقاۋىنا قاتىسۋشىلار ۇزدىك مەرگەندى انىقتاپ (جامبى اتۋ)، اتتىڭ قۇلاعىندا وينايتىن جىگىتتەر تەڭگە ءىلۋ، قول كۇرەسۋ، اۋدارىسپاق، قازاق كۇرەسى سىندى سپورت تۇرلەرى بويىنشا جارىسۋدا.
– وتكەن جىلى وسىعان ۇقساس "جىگىت سۇلتانى" بايقاۋىن وتكىزدىك. ال بيىلعى بايقاۋ توعىز جاسىندا ەل-جۇرتتى قۇرعاشىلىقتان امان الىپ قالۋ ءۇشىن تاۋ كوتەرگەن تولاعايدىڭ قۇرمەتىنە وراي ۇيىمداستىرىلۋدا. بۇل تاۋ وسى جارىس ءوتىپ جاتقان ماڭايدا ورنالاسقان. الداعى ۋاقىتتا ول جاقتۆ تۋريستەردىڭ سۇيىكتى ورنىنا اينالاتىنا سەنەمىن، – دەدى شىعىس قازاقستان وبلىستىق ىشكى ساياسات باسقارماسى جاستار رەسۋرستىق ورتالىعىنىڭ ديرەكتورى ارايلىم ەسىمبەكوۆا.
