ق ر پرەزيدەنتى اكىمشىلىگىنىڭ كەلىسىمىمەن تۇركىستان وبلىسىنىڭ اكىمى ءومىرزاق شوكەيەۆتىڭ وكىمىمەن ساكەن قالقامانوۆ پەن ۇلان تاجىبايەۆ تۇركىستان وبلىسى اكىمىنىڭ ورىنباسارلارى قىزمەتىنە تاعايىندالدى. ساكەن قالقامانوۆ يدەولوگيا، ءبىلىم جانە مادەنيەت سالاسىنا جاۋاپتى بولسا، ۇلان تاجىبايەۆ اۋىل شارۋاشىلىعى، جەر قاتىناستارى، جەردىڭ پايدالانىلۋى مەن قورعالۋىن مەملەكەتتىك باقىلاۋ، جۇمىسپەن قامتۋ جانە حالىقتى الەۋمەتتىك قورعاۋ، ەڭبەك ينسپەكسياسى، شەكارا جانە شەكارا ماڭى ماسەلەلەرىن شەشۋ، تابيعي رەسۋرستار جانە تابيعات پايدالانۋدى رەتتەۋ سالالارىنا باسشىلىق ەتپەك.
كەلەسى كادرلىق وزگەرىس الماتى قالاسىندا ورىن الدى. قالالىق ءماسليحاتتىڭ كەلىسىمى بويىنشا اۋەزوۆ اۋدانىنا جاڭا اكىمى تاعايىندالدى. بۇل قىزمەتكە سايران سايفەدەنوۆ كەلدى. ول بۇعان دەيىن الماتى قالاسى الەۋمەتتىك ءال-اۋقات باسقارماسى باسشىنىڭ ورىنباسارى قىزمەتىن اتقارعان.
قىزىلوردا وبلىسىنىڭ ەكى اۋدانىندا دا جاڭا اكىم. وبلىس اكىمىنىڭ وكىمىمەن سىرداريا اۋدانىنىڭ اكىمى لاۋازىمىنا رۋسلان رۇستەموۆ، جاڭاقورعان اۋدانىنىڭ اكىمى لاۋازىمىنا سۇلتان ماقاشوۆ تاعايىندالدى.
كەشە، ناۋرىزباي بايقاداموۆ قىزىلوردا وبلىسى اكىمىنىڭ ورىنباسارى لاۋازىمىنا تاعايىندالعان بولاتىن.
پىكىر قالدىرۋ