بيىل قاراعايلى ىقشاماۋدانىنداعى 5600 ورىندىق اباي-ارەنا مادەني-سپورتتىق كەشەنىنىڭ قۇرىلىسى اياقتالادى. بۇل كەشەندە جۇرگىزىلىپ جاتقان قۇرىلىس جۇمىستارىمەن جانە ىقشاماۋداننىڭ دامۋ بارىسىمەن شىعىس قازاقستان وبلىسىنىڭ اكىمى دانيال احمەتوۆ تانىسىپ قايتتى. ايماق باسشىسى كەشەندى ارالاپ، قۇرىلىسشىلاردىڭ جۇمىسىنا وڭ باعاسىن بەردى. بۇدان سوڭ ايماق باسشىسى 15 مەديسينا قىزمەتكەرىنە پاتەر كىلتتەرىن تابىستاۋعا باردى.

– جارتى جىلدىڭ ىشىندە سەمەيدەگى بولاشاعى بار شاعىن اۋداندا پاتەرلەر سالىندى. ونىڭ ىشىندە 15ء-ىن مەديسينا قىزمەتكەرلەرىنە تابىستايمىز. سەبەبى مەديسينا – ادام ءومىرىنىڭ ساپاسىن جاقسارتاتىن ەڭ باستى اسپەكتىلەردىڭ ءبىرى. مەن بارشاڭىزدى وسى تاماشا كۇنمەن قۇتتىقتايمىن، – دەدى دانيال احمەتوۆ تۇرعىندارعا.

قونىس تويىن تويلاۋشىلاردىڭ جۇزىنەن بال-بۇل جانعان قۋانىشتى كوردىك.
– بۇگىن ءبىزدىڭ وتباسىمىز ءۇشىن ەڭ باقىتتى كۇن. مەن جاستاردى نازاردان تىس قالدىرماي، قامقورلىق تانىتقانى ءۇشىن مەملەكەتكە العىسىمدى ايتقىم كەلەدى. مەن بالا كەزىمنەن بەرى وسىنداي قولداۋدى سەزىنۋدەمىن. ۇبت-دان جوعارى بالل جيناپ، مەديسينالىق اكادەمياعا وقۋعا ءتۇستىم. ال مىنە، بۇگىن باسپانالى بولدىم، – دەدى №2 قالالىق اۋرۋحانا بولىمشەسىنىڭ پەدياترى انتون رامم.

سالتاناتتى شارا سوڭىندا وبلىس اكىمى بىرنەشە پاتەردى ارالاپ، تۇرعىنداردى تاعى دا جاڭا قونىسىمەن قۇتتىقتادى.