جيىن بارىسىندا وبلىستىق پارتيانىڭ ءتوراعاسى، شىعىس قازاقستان وبلىسىنىڭ اكىمى دانيال احمەتوۆ بايانداما جاسادى.

– بارشاڭىزعا بەلگىلى، 21 تامىزدا قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ توراعالىعىمەن «NurOtan» پارتياسى ساياسي كەڭەسىنىڭ كەڭەيتىلگەن وتىرىسى ءوتتى. وندا ەلباسى پارتيا جۇمىسىن جۇيەلى جاڭعىرتۋعدۆ تاپسىردى. بىزگە باستاۋىش ۇيىمداردىڭ جۇمىسىن ارتتىرىپ، جەمقورلىقپەن كۇرەستى كۇشەيتىپ، بارلىق دەڭگەيدە پارتيالىق جاۋاپكەرشىلىكتى ارتتىرىپ، حالىقپەن ناقتى جۇمىس ىستەۋدىڭ قاعيداتىن ەنگىزىپ، اقپاراتتىق-يدەولوگيالىق باعىتتاعى جۇمىستاردى جاڭا ترەندتە قالىپتاستىرىپ، پارتيا توڭىرەگىنە جاستاردى بىرىكتىرۋ شارالارىن قابىلداۋ قاجەت، – دەپ اتاپ ءوتتى دانيال احمەتوۆ.

كەڭەيتىلگەن وتىرىس بارىسىندا ايماق باسشىسى «Nur Otan» پارتياسىنىڭ كۇندەلىكتى جۇمىسىن جانداندىرىپ، پرەزيدەنت قاسىم-جومارت توقايەۆتىڭ سايلاۋالدى باعدارلاماسىنىڭ ۋادەلەرىن ورىنداۋعا، حالىقتىڭ ناقتى پروبلەمالارىن شەشۋ جولىندا بارىنشا اتسالىسۋ كەرەكتىگىن جەتكىزدى.

– ءبىز جاستاردى «Nur Otan» پارتياسىنىڭ اينالاسىنا توپتاستىرۋىمىز قاجەت. پرەزيدەنت ەلىمىزدىڭ جاڭا كەلبەتىن قالىپتاستىرۋ ءۇشىن جاستارعا قاجەتتى ناقتى مىندەتتەردى ايقىندادى. «جاس وتان» جاس بۋىندى بىرىكتىرەتىن ورتالىققا اينالۋى ءتيىس. پارتيانىڭ فيليالىنا جاستار رەسۋرستىق ورتالىقتارىنداعى يدەولوگيالىق قىزمەتتى باقىلاۋ كەرەك. سونداي-اق سمم بولىمىمەن جۇمىستى جاقسارتىپ، العا قويعان ماقساتتاردى بىرلەسىپ ورىنداۋدى تاپسىرامىن، – دەدى دانيال احمەتوۆ.

ءماجىلىس بارىسىندا وبلىس اكىمى، پارتيانىڭ فيليالدارى مەن اۋدان، قالا اكىمدەردى كادرلىق رەزەرۆتى دايارلاۋ ماسەلەسىنە جەتە كوڭىل ءبولۋ قاجەتتىگىن اتاپ ايتتى.

بۇدان بولەك، ايماق باسشىسى پارتيانىڭ وبلىستىق فيليالىنا جوو-داعى كادر ساياساتىن باقىلاۋدا ۇستاپ، ءوڭىرىمىزدىڭ يميدجىنە نۇقسان كەلتىرمەس ءۇشىن ونداعى زاڭسىزدىقتاردى دەر كەزىندە شەشۋدى جۇكتەدى.

– ەلباسى قويعان مىندەتتەر بۇكىل قوعامعا جانە ءاربىر ازاماتقا زور جاۋاپكەرشىلىكتەر جۇكتەيدى. ءبىزدىڭ وبلىستىق پارتيانىڭ اكتيۆى بۇل تاپسىرمالاردى ابىرويمەن ورىندايدى دەپ سەنەمىن. وسى رەتتە سىزدەردى، الداعى ىستەرگە ايانباي ۇلەس قوسۋعا شاقىرامىن، – دەدى دانيال احمەتوۆ.