بۇگىن، 31 تامىزدا الماتى وبلىسى جامبىل اۋدانى "كوكباستاۋ" يپپودرومىندا قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ كۋبوگى ءۇشىن ق ر كونستيتۋسيا كۇنىنە ارنالعان ۇلتتىق ات سپورتى تۇرلەرىنەن حالىقارالىق جارىس ءوتتى دەپ جازادى Qamshy.kz اقپارات اگەنتتىگى.
الماتى وبلىسى اكىمدىگىڭ ۇيىمداستىرۋىمەن وتكەن جارىستا ات سپورتىنىڭ ۇزدىكتەرى بايگەنىڭ بىرنەشە تۇرىنەن جانە "قىز قۋۋ"، "اۋدارىسپاق"، "تەڭگە ءىلۋ"، "جامبى اتۋ" سياقتى قازاقتىڭ ۇلتتىق سپورت تۇرلەرىنەن سىنعا ءتۇستى. اتالعان جارىسقا قازاقستاننىڭ ءار ايماعىنان جانە قىرعىزستان رەسپۋبليكاسىنان ايگىلى اتبەگىلەر مەن بەلگىلى شاباندوزدار قاتىستى.
بايگەنىڭ ەڭ تانىمالى سانالاتىن "الامان بايگەدە" نۇرسۇلتان نازاربايەۆتىڭ نەمەرە ءىنىسى ءالنۇر نازاربايەۆتىڭ "ءۇشقوڭىر" اتتى تۇلپارى ءبىرىنشى كەلىپ، باس جۇلدەگە تىگىلگەن شەتەلدىك اۆتوكولىكتى يەلەندى. سونىمەن قاتار ءالنۇر نازاربايەۆ "قارلىعاش" اتتى تۇلپارىمەن "قۇنان بايگەدە" دە ءبىرنىشى ورىندى الدى.
قازاقستاننىڭ العاشقى پرەزيدەنتى نازاربايەۆتىڭ جۇلدەسى ءۇشىن ات سپورتى تۇرلەرىنەن حالىقارالىق جارىس وسىمەن 21 مارتە ءوتتى.
پىكىر قالدىرۋ