اقتاۋداعى نازاربايەۆ زياتكەرلىك مەكتەبىندە ماڭعىستاۋ وبلىسى پەداگوگتارىنىڭ تامىز كەڭەسىنىڭ پاندىك سەكسيالارى ءوتتى. جىل سايىن ۇيىمداستىرىلاتىن جيىنعا ولكەنىڭ 800-دەن اسا ءمۇعالىمى قاتىستى.
كونفەرەنسيانىڭ باستى تاقىرىبى ايماقتاعى جالپى ءبىلىم بەرۋ مەكتەپتەرىنىڭ 9، 10 سىنىپ وقۋشىلارى جاڭارتىلعان ءبىلىم بەرۋ باعدارلاماسى بويىنشا وقۋعا ءوتۋى. كەزدەسۋ بارىسىندا ساراپشىلار مەن ۇستازدار باعدارلامانىڭ ەرەكشەلىكتەرىنە توقتالىپ، پاندىك سەكسيالاردىڭ ارنايى شەبەرلىك ساعاتتارىنا قاتىستى.
جينالىس بارىسىندا زياتكەرلىك مەكتەپ ديرەكتورى ەرمەك پايزوۆ جاڭارتىلعان باعدارلامانىڭ ءداستۇرلى ءبىلىم بەرۋ ادىسىنەن ايىرماشىىلىعى تۋرالى ايتتى.
- سەكسيالىق وتىرىستاردا زياتكەرلىك مەكتەپ مۇعالىمدەرى 9،10 سىنىپتىڭ ءپان مۇعالىمدەرىنە ادىستەمەلىك كومەك كورسەتىپ، كاسىبي تۇرعىدا وسۋىنە ىقپالداسىپ، اقتاۋداعى نازاربايەۆ زياتكەرلىك مەكتەبىندەگى ءوز تاجىريبەلەرىمەن بولىسەدى. وبلىس پەداگوگتارىنىڭ شەبەرلىك ساعاتتارىنا بەلسەندى قاتىساتىندىعى قۋانتادى، - دەيدى مەكتەپ ديرەكتورىنىڭ ورىنباسارى ىرىسكۇل يمامبيەۆا.
شەبەرلىك ساعاتتاردا باعالاۋ كريتەرييلەرى، دەسكريپتورلار جانە CLIL تەحنولوگياسىنىڭ جاڭالىقتارى تۋرالى باياندالدى. كەيىن قاتىسۋشىلار تاجىريبەلىك جۇمىس جاساپ، باعالاۋ جۇمىستارىن جۇرگىزدى.
- ينفورماتيكا ءپانى بويىنشا وزگەرىستەر بار. وسىعان دەيىن روبوتوتەحنيكا ۇيىرمە رەتىندە جۇرگىزىلىپ كەلسە، ەندى بالالار ونى كۇندەلىكتى وقۋ باعدارلاماسىنا قوسىپ وقيدى. روبوتوتەحنيكا قارقىندى دامىعان زاماندا بۇل دۇرىس شەشىم دەگەن ويدامىز. ەندى وبلىستىق دەڭگەيدەگى روبوتوتەحنيكا جارىستارعا بالالار مىقتى جوبالارمەن جانە قابىلەتتەرمەن قاتىسادى،- دەيدى ينفورماتيكا ءپانى ادىستەمەلىك بىرلەستىگىنىڭ جەتەكشىسى، ءپان ءمۇعالىمى دجامال مامييەۆا.
ەستەرىڭىزگە سالا كەتەيىك، جاڭارتىلعان ءبىلىم بەرۋ باعدارلاماسىنا بىلتىرعى وقۋ جىلىندا 3،6،8، سىنىپ وقۋشىلارى وتكەن ەدى.