توتەنجە جاعداي باسقارماسىنىڭ حابارلاۋىنشا، نەگىزگى كۇش تۇرعىن ۇيلەردى، تەمىرجول جەلىسىن، جاڭا بەكەتىنىڭ نىساندارىن، "مەتاللۋرگ" اۋىلىن  قورعاۋعا جۇمىلدىرىلدى. ءورت سوندىرۋشىلەردىڭ كاسىبيلىگىنىڭ ارقاسىندا اتالعان نىساندار ءتىلسىز جاۋدان امان، دەپ حابارلايدى Qamshy.kz اقپارات اگەنتتىگى.  توتەنشە جاعداي تۋرالى ينستاگرام جەلىسىندەگى patriotkaragandy پاراقشاسى جازدى.

جالىندى اۋىزدىقتاۋعا ءورت ءسوندىرۋ پوەزدى، 7 اۆتوسيستەرنا، 64 ءورت ءسوندىرۋشى جۇمىلدىرىلدى. ءسوندىرۋ جۇمىستارىنا كۇشتى جەل مەن قالىڭ تۇمان كەدەرگى كەلتىرگەن.

توتەنشە جاعدايدان زارداپ شەككەن ەكى ايەلگە دارىگەرلىك كومەك كورسەتىلدى. بۇگىندە ولاردىڭ جاعدايى جاقسى.

الدىن الا بولجام بويىنشا، ءورت سالدارىنان 720 ساياجاي جانىپ كەتكەن. ونىڭ 20-سىندا ادام تۇرعان. ءورت 160 گەكتار جەردى جالماعان.