جۇلدىز ىقشاماۋدانىنان اشىلعان مەكتەپتەگى العاشقى قوڭىراۋ سالتاناتىنا اتىراۋ قالاسىنىڭ اكىمى اليمۇحاممەد قۇتتۇمۇرات ۇلى ارنايى قاتىسىپ، ۇستازدار مەن وقۋشىلاردى مەرەكەمەن قۇتتىقتادى.
– 1 قىركۇيەك ءبىلىم مەن عىلىم سالاسىندا ەڭبەك ەتەتىن ۇستازدار جانە شاكىرتتەر ءۇشىن ەرەكشە كۇن. 2019-2020 وقۋ جىلىندا قالامىزدا جالپى ءبىلىم بەرەتىن 59 مەكتەپتە العاشقى قوڭىراۋ سوعىلدى. بارشالارىڭىزدى ايتۋلى مەرەكەمەن قۇتتىقتاي وتىرىپ، بيىلعى وقۋ جىلىندا ساتتىلىك تىلەيمىن، – دەدى قالا باسشىسى.
سونىمەن قاتار، جۇلدىز-3 ىقشاماۋدانىنان 600 ورىندىق تاعى ءبىر مەكتەپتىڭ سالىناتىنى بەلگىلى بولدى.
– جىل سايىن مەكتەپكە كەلۋشى وقۋشىلاردىڭ سانى ارتىپ كەلەدى. وسى باعىتتا وبلىس بويىنشا 11 مەكتەپتىڭ قۇرىلىسى ءجۇرىپ جاتىر. ونىڭ التاۋى قالادا. وبلىستاعى ءۇشاۋىسىمدىق ماسەلەسىن شەشۋ ماقساتىندا مەكتەپ سالۋ جۇمىستارى قارقىندى ءجۇرىپ جاتىر، – دەيدى وبلىستىق ءبىلىم باسقارماسى باسشىسىنىڭ مىندەتىن اتقارۋشى جانسۇلۋ تورەمۇراتوۆا.
