جالپى ءبىر سارىندى ءومىر ءسىزدى جالىقتىردى ما؟ ال مۇنداي جاعدايدا نە ىستەۋ كەرەك؟ مۇنىڭ ەش قيىندىعى جوق. ول ءۇشىن ءوز-وزىڭىزدى باسقارا بىلگەنىڭىز ءجون.
جالپى ۇلكەن ىستەرگە مۇمكىندىك كىشكەنتاي قادامنان باستالادى. ول ءۇشىن الدىمەن ماقساتقا بارار جولدى دۇرىس تاڭداعانىڭىز ءجون. نەگىزى اقىل ايتۋ وڭاي، ءبىراق باسىڭىزعا كەلگەن ويدى جۇزەگە اسىرۋ، ول قيىن ەمەس ارينە. ول ءۇشىن «نە ىستەۋ كەرەك؟» دەپ، ءپالساپالىق ساۋالعا باس قاتىرۋدىڭ دا قاجەتى شامالى. الەمدىك تاجىريبەدە مۇنداي جۇيە بار. ول – كايدزەن باقارۋ جۇيەسى. بازبىرەۋلەر بۇل ءىرى ءوندىرىس ورىندارى مەن الپاۋىت بيزنەس كومپانيالارىندا عانا پايدالانىلادى دەۋى مۇمكىن. بۇل تۇسىنىك مۇلدەم قاتە. ونى كۇندەلىكتى قاراپايىم ومىرىڭىزدە دە قولدانۋعا بولادى. ول ءۇشىن ءوزىڭىزدى ۇزدىكسىز وزگەرتىپ وتىرۋ كەرەك. جاپون تىلىنەن اۋدارعان كايدزەن ءسوزى وسى ماعىنانى بەرەدى. بۇل – قاراپايىم تىلمەن ايتقاندا، جاڭاشىلدىققا ۇمتىلۋ. بۇل تىرشىلىكسىز وتىرعاننان مىڭ ەسە ارتىق. تەك العاشقى قادام جاساۋ كەرەك. ارى قاراي مۇمكىندىكتەر جالعاسادى، ونىڭ ناتيجەسى دە كورىنە بەرەدى. ول ءۇشىن ۇزدىكسىز ىزدەنىس پەن ءتارتىپ قانا كەرەك. كۇندە نە ىستەيسىز، ونىڭ ناتيجەسى قانداي بولادى؟ ونى كەشكىسىن تارازىلاپ وتىرساڭىز، ناتيجەسى كوپ كۇتتىرمەيدى.
نەگىزى كەز كەلگەن نارسە ماڭىزدى: مىسالى جاپون وقۋشىلارى بالا جاسىنان باستاپ، كىشكەنتاي ءىس پەن ۇلكەن تىرلىكتىڭ ەش ايىرماشىلىعى جوعىن وقىپ، ۇيرەنىپ تۇسىنەدى. سوندىقتان دا ولار ومىردە كوپ قاتەلەسپەيدى. مىسالى، ولار شالا ىستەلىنگەن كىشكەنتاي ءىستىڭ سوڭى ۇلكەن پروبلەماعا ۇرىندىرۋى مۇمكىن ەكەندىگىن بىلەدى. ۇلكەن جەتىستىككە جەتۋ ءۇشىن تۇراقتى تۇردە ادام ءوزىن جەتىلدىرىپ، كەز كەلگەن ىسكە تۇجىرىم جاساپ ۇيرەنۋى قاجەت. جاپوندارشا ايتقاندا، كايدزەن ءپرينسيپى بويىنشا ومىردە تابىستىلىعىڭدى انىقتاۋعا مۇمكىندىك بەرەتىن العاشقى 5 نەگىزگى قادامىڭدى انىقتاپ الۋىڭ قاجەت جانە وعان باعىنعانىڭ دۇرىس. ول –ۇقىپتىلىق، ادالدىق، تازالىق، ستاندارتتاۋ جانە ءتارتىپ.
ءبىرىنشى قادام. ەڭ الدىمەن ءومىرىڭىزدى وزگەرتەتىن جانە وعان كەدەرگى كەلتىرىپ تۇرعان نارسەلەردى انىقتاڭىز. سوسىن ءوز ماقساتىڭىزعا جەتۋدىڭ جولدارىن تۇجىرىمداپ، وعان جەتۋدىڭ قادامىن ويىڭىزعا ءپىسىرىڭىز. ءبىر پاراق اق قاعاز الىڭىز دا، ونى ەكىگە ءبولىپ، ونىڭ ءبىر جاعىنا ءومىرىڭىزدى جاقسارتۋعا كەدەرگىسىن كەلتىرىپ تۇرعان نارسەلەردى جازىڭىز. ەكىنشى جاعىنا ءوز ءومىرىڭىزدى جاقسارتۋعا سەپتىگىن تيىزەتىن نارسەلەردى جۇيەلەڭىز.
ەگەر ءسىز ءوز ماقساتىڭىزدى ناقتى انىقتاپ الساڭىز، وندا كايدزەن جۇيەسى بويىنشا ەندى «نە ىستەۋ كەرەك؟» دەپ ساۋال قويىڭىز. دەمەك وسى ساۋالدى قويۋ ارقىلى ءسىز ورىن العان پروبلەمانىڭ سەبەبى مەن سالدارىن انىقتاۋعا تىرىساسىز.
ەكىنشى قادام. ءبىر پاراققا ەكى ءبولىپ جازىلعان جاعىمدى جانە جاعىمسىز نارسەلەردى قورىتۋ ارقىلى ءسىز ناقتى كارتينانى كوز الدىڭىزعا كەلتىرەسىز. سودان كەيىن ءومىرىڭىزدى وزگەرتۋ ءۇشىن تاياۋداعى ءبىر ايدىڭ ىشىندە جۇزەگە اسىراتىن كىشكەنتاي قادامنىڭ نوبايىن جاسايسىز. مىسالى، ءسىز سالاۋاتتى ءومىر سالتىن قالىپتاستىرعىڭىز كەلسە، وندا ۇيىقتار الدىندا سەرۋەنگە شىعۋدى ادەتكە اينالدىراتىنىڭىز اقيقات. نەگىزى كايدزەن جۇيەسىندە «ءار مينۋتتىڭ ەرەجەسى» دەگەن قاعيدا بەرىك ساقتالعان. نەگىزى «1 مينۋتتا ەشتەڭەگە ۇلگەرە المايمىز» دەگەن پىكىر بار. ءبىراق ول مۇلدە قاتە تۇسىنىك. اقيقاتىندا، ءسىز 1 مينۋتتا تالاي پايدالى نارسە ىستەي الاسىز. 1 مينۋتتا كوزىڭىزگە نەمەسە يىعىڭىزعا گيمناستيكا جاساپ، بالاڭىزعا تەلەىون شالۋىڭىزعا بولادى. ءتىپتى ءسوزىن جاتتاپ، بولاشاقتيا شەتەل ءتىلىن ۇيرەنۋىڭىز دە عاجاپ ەمەس. سوندىقتان 1 مينۋتتىڭ بولاشاققا تابىستىلىققا نەگىز قالايتىنىن بىلگەنىڭىز ابزال.
ءۇشىنشى قادام. باسىڭىز كەرەكسىز اقپاراتتان ادا بولۋى قاجەت. ۇيدە دە، جۇمىستا دا، كوشەدە دە. ەگەر كەرەكسىز نارسەلەردەن قۇتىلىپ، ويىڭ تازا بولسا، كوڭىل كۇيىڭ جوعارى بولادى. اقىل ويىڭداعى جوسپارىڭدى ىسكە اسىرۋداعى مۇمكىندىك تە مول بولادى. ءبىز نەگىزى كەرەكسىز نارسەلەرگە باس اۋىرتىپ، ۋاقىتىمىزدى كوپ جۇمسايمىز عوي.
ءتورتىنشى قادام. بۇل كەزەڭدە ءبىز بويىمىزداعى بۇرىنعى ەسكى ادەتتەردەن تولىققاندى ارىلۋىمىز كەرەك. ول قانداي ادەتتەر؟ اتاپ ايتار بولساق، «شارشاپ تۇرمىن»، «ەرتەڭ ىستەي سالايىنشى»، «مۇنىڭ ماعان نە كەرەگى بار؟» جانە تاعى سول سياقتى جاعىمسىز ءارى ىسكە كەدەرگى كەلتىرەتىن ادەتتەر.
بەسىنشى قادام. ءتىپتى ەگەر العان ماقسات جولىندا قيىندىقتار كەزدەسسە، وعان قىنجىلۋدىڭ قاجەتى شامالى. ءومىرىڭىزدى قىزىقتى ەتۋدىڭ جولىن تاعى دا قاراستىرىپ، العا باسا بەرىڭىز. ويتكەنى...
كايدزەن –ەڭ الدىمەن ءومىر ءسۇرۋدىڭ ءمانى، سودان كەيىن ادامنىڭ جاعدايى مەن تۇرمىسىن جاقسارتۋعا ارنالعان ۇزاقمەرزىمگە ارنالعان ءومىر بويعى ستراتەگيا ەكەنىن ۇمىتپاڭىز.
پىكىر قالدىرۋ