رەسەيدەگى قازاقستاندىق ارالاس جەكپە-جەك كۇرەسشىسى دامير ىسماعۇلوۆ UFC-دەگى ءۇشىنشى جەڭىسكە يە بولدى دەپ حابارلايدى Qamshy.kz اقپارات اگەنتتىگى Vesti.kz-كە سىلتەمە جاساپ.

ول 31 تامىزدا قىتايدىڭ شەنچجەن قالاسىندا وتكەن UFC Fight Night 157-دە ونەر كورسەتتى. ونىڭ قارسىلاسى برازيليالىق پالۋان تياگو مويزەس بولدى. جەكپە-جەك ءۇش راۋندقا سوزىلدى، ىسماعۇلوۆ تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتتى.

Sherdog.com حابارلاعانداي، 28 جاستاعى ىسماعۇلوۆ ءۇشىن بۇل كاسىپقوي مانسابىنداعى 20-شى جەكپە-جەگى، ول 19-ىن جەڭىپ، بىرەۋىندە جەڭىلگەن. 24 جاستاعى مويزەس كاسىپقوي 16-شى شايقاستى وتكىزدى. ءقازىر ونىڭ ءتورت جەڭىلىسى جانە 12 جەڭىسى بار.

ايتا كەتەيىك، UFC Fight Night 157 ءتۋرنيرىنىڭ باستى وقيعاسى قازىرگى چەمپيون دجەسسيكا اندرادە مەن ونىڭ بەلبەۋىنە ۇمىتكەر ۆەيلي چجان اراسىنداعى العاشقى جەڭىل سالماقتاعى تيتۋلدىق جەكپە-جەك بولماق. ەسكە سالايىق، UFC قۇرامىندا يسماگۋلوۆتىڭ دەبيۋتتى جەكپە-جەگى 2018 جىلدىڭ جەلتوقسانىندا بولدى جانە وسى ۋاقىت ىشىندە ەكى جەكپە-جەك وتكىزدى، ول يسپاندىق يوەل الۆارەس پەن اۆستراليالىق الەكس گورگيسكە قارسى جەكپە-جەكتەردە جەڭىسكە جەتتى.
تولىعىراق: https://kaz.tengrinews.kz/allsports/damir-yismagulov-UFC-deg-ushnsh-jenske-ie-boldyi-300733/
ماتەريالدى كوشىرىپ باسقاندا Kaz.tengrinews.kz سايتىنا گيپەرسىلتەمە مىندەتتى تۇردە قويىلۋى ءتيىس. اۆتورلىق قۇقىقتى ساقتاڭىز.